PTR ne'e hatene ona partidu 4 hanesan Partidu Timor Forte (PATIFOR), Fitun, PDS no Os Verdes.

Nune'e desizaun sai ona mak Fitun no Os Verdes maibé bandu labele halo atividade polítika nu'udar partidu tanba sei konstiui legalmente.

PTR haktuir, iha 2019 pasa ona no 2020 pasa ho 79 prosesu no foin daudaun sira pasa ba 2021 ne'e ho 21 prosesu.

"Ha'u esplika atu públiku sira bele hatene klaru Katak iha partidu haat, partidu haat ne'ebe hakarak rejista forma legalmente iha Tribunál Rekursu ne'ebe ezerse funsaun husi tribunál nian mais entre partidu hat ne rua mak desizaun sai ona rua mak desizaun seidauk sai, rua ne'ebé sai ne'e laiha ida mak prense kritéris signifika sira seidauk harii formalmente nu'udar partidu no sira labele hala'o atividade nu'udar partidu kuandu bainhira sira sei konstiui legalmente hanesan partidu tanba lei estabelese bele sai partidu bainhira rejistu legalmente ona iha kazu konkretu iha Tribunál Rekursu," PTR ko'alia hafoin reuniaun ho Prezidente Repúblika iha Prezidensiál Bairru-Pité, tersa (12/1).

Prezidente Tribunál Relursu dehan, partidu rua ne'ebé sai ona, nein ida prienxe kritéria maibé ida prenxe ba kritéria la bele esplika tanba ne'e desizaun mai husi nia rasik mak deside entaun desizaun ne'e sempre fundamentál.

"Prosesu kona-ba partidu haat ne la'o hela no partidu 4 remite ba tribunál ne'e iha rua mak iha desizaun iha semana liu ba no ida sai horisehik no iha rua mak tribunál haree hela atu bele finaliza", dehan PTR

Nia informa, informasaun hirak ne'e hato'o mós ba Prezidente Repúblika kona-ba lei estabelese krime prazu ne'e 15 dias ba tribunal para atu halo desizaun ba partidu ne'e tanba ne'e mak sira kosege halo ona iha dentru prazu tanba sei iha nível komplesidade

"Rua seluk ne'ebé seidauk pasa tanba primeiru nia nível prosesu ba iha tribunál ne'e la'o hanesan buat ne'ebé la kompletu etaun tribunál presiza haree fila-fali buat sira-ne'e hotu, segundu tanba dokumentu ne'e kompleksu teb-tebes tanba lei ne'ebé estabelese kritéria rigorozu tebes kona-ba atu harii partidu," nia haktuir

Prezidente ne'e esplika, lei ne'ebe estabelese mínimu apoiante rihun 20 no kada munisísiu rihun ida resin entaun bainhira atu verifika ema nain rihun rua nulu husi partidu ida ne'e nia hanoin dokumentu tomak ne'e la fasil para alende ne'e tama hamutuk partidu haat kedas ne'ebe nia kapasidade iha.

Purtantu Tribunál Rekursu esforsu nafatin atu finaliza iha tempu badak. (*)