Ministru Francisco hateten, relasiona ho medidas sira ne'ebé prevee iha Estadu emerjénsia (EE) da-sia ida ne'e, hotu-hotu rigorozu oitoan, tanba Governu hakarak buka solusaun ba prevensaun Covid-19.

"Relasiona ho sirkulasaun Internasional, sim, tuir lei katak, provizoriamente ita seidauk bele hala'o tanba kazu ne'e rasik. Entaun, sira ne'ebe mak tama mai iha ne'e, adminiti de'it ba diplomata ho traballdor sira ne'ebe servisu iha rai laran, tanba sira ne'e presiza atu fo asistensia ba sira,"Ministru hateten lia hirak ne’e iha plenaria PN, Segunda (11/1).

Ministru ne'e konsidera katak, maski kazu covid-19 hirak nudar kazu importadu, maibe TL tenke kuidadu tanba ne'e governu tau medida hirak ne'e ho rigorozu oinsa fasilita governu atu halo mitigasaun hodi halakon kazu refere.

"Kazu sira ne'e, kazu inportadu, sim, Maibé ita mós tenke kuidadu, tanba ne'e maka desizaun ne'e foti, katak presiza atu taka fronteira, atu nune'e bele fo tempu ba governu atu halo imetigasaun, no fo solusaun ba problema sira ne'e, liu-liu atu hare didi'ak, oinsá mak halo prevensaun Kazu covid-19 ne'e rasik,"nia deklara. (*)