Print this page

Deputada CNRT Krítika Saláriu Désimu Terseiru ba Asessór

By January 12, 2021 5161
Deputada bankada Congresso Nacionál de Reconstrução Timorense (CNRT) Carmelita Cetano Monis iha Plenaria Deputada bankada Congresso Nacionál de Reconstrução Timorense (CNRT) Carmelita Cetano Monis iha Plenaria Foto Arkivu

Tempotimor (Dili)-Deputada bankada Congresso Nacionál de Reconstrução Timorense (CNRT) Carmelita Cetano Monis krítika polítika husi governu da-ualu nian ne'ebé desidi ona atu atribui mós saláriu désimu terseiru ba asesór no tékniku sira, maski saláriu ba sira ne'e ho valor ne’ebé boot.

Nia hato'o deklarasaun ne'e bazeia ba dekretu governu, lei númeru 64/2020, kona-bá salariu désimu terseiru ba asesor no tékniku sira ne'ebé foin lalais aprova ona iha konselhu ministru (KM).

Deputada ne’e esplika, tuir loloos pagamentu salariu désimu terseiru ninia kritériu ne'e, tenke bazeia ba salariu báziku, signifika ema ne'ebe simu salariu atus lima ba kraik mak bele asesu ba saláriu désimu terseiru, maibé agora governu aprova ona dekretu foun, ema ne'ebé simu salariu mil (ribuan) mós iha direitu atu asesu.

"ita kestiona, governu ne'e aprova tan dekretu lei ida, ne'ebe atu atrbui mos désimu terseiru ba asesores, tékniku sira ne'ebe salariu menus husi 5 mil dolar,aprova tiha dekretu lei ne'e depois pagamentu ba ema nia direitu ne'ebe lei atribui ba, tanba dèsimu terseiru mes ne'e ninia kritériu ne'e tenke bazeia ba salariu báziku. Entaun asesor sira ne'e sira nia saláriu báziku iha ga, ne'e mak governu atribui hotu," Carmelita Monis hato'o iha plenária PN, Segunda (11/1).

Iha parte seluk, nia mós preokupa salariu désimu terseiru ba funsionáriu públiku, inklui PNTL no F-FDTL ne'ebé to'o ohin loron seidauk iha pagamentu.

"loloos ema nia salariu désimu terseiru tama kedas ona hamutuk ho ema nia salariu vensimentu, iha orsamentu tinan-tinan, liu-liu iha orsamentu 2020," nia deklara.

Nia mos kestiona deklarasaun ministru finansa liu husi media ne'ebé hatete katak, sei foti fali tan osan husi fundu kontizensial mak halo pagamentu désimu terseiru tinan 2020, ba funsionáriu públiku, PNTL no FDTL, sira ne'ebé seidauk simu.

Nia konsidera deklarasaun ida ne'e hanesan deklarasaun foun ida ne'ebé halo nia hakfodak, tanba nudar ministru ida maka lahatene kategoria tranaferensia osan salariu desimu terseiru ne'e.

"Dehan osan ne'e sei foti fali husi fundu kontizensial, hau sente hakfodak fali ho esklaresimentu ida ne'e," nia preokupa.

Nia husu ministru presiza iha koñesimentu katak tinan-tinan parlamentu tau osan ba salariu désimu terseiru ne'e inklui kedas ona iha kada ema nia salariu vensimentu ne'ebé, automatikamente ema sira ne'e hetan pagamentu dala rua, ida sira nia salariu rasik pagamentu antes natal, ida fali salariu désimu terseiru tinan-tinan sempre depois de natál mak halo pagamentu.

Tuir nia hare daudaun ne’e tama ona tinan foun 2021, maibe ema barak seidauk hetan pagamentu. Pior liu funsionáriu kontratadu balun ne'ebe sira nia salariu vensimentu mós seidauk simu.

Hatán ba kestaun ne'e, Ministru Asuntu Parlamentár no komunikasaun Sosiál (MAPKomS) Francisco Martins Jerónimo mós rekoiñese, saláriu désimu tersiru ne'ebe mós sei atribui hotu ba asesor no tékniku sira maibe ida ne'e sei ezukuta tuir lei ne'ebé vigora tiha ona. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items