Login to your account

Username *
Password *
Remember Me

Duun Governu Politiza Covid-19, PM Taur: “Se Mósu Duni Se Mak Sala”

Primeiru Ministru (PM), Taur Matan Ruak ko'alia ba media sira hafoin halo vizita ba hospital lahane, segunda (11/01). Primeiru Ministru (PM), Taur Matan Ruak ko'alia ba media sira hafoin halo vizita ba hospital lahane, segunda (11/01). Foto Midia Gabinete PM

Tempotimor (Dili)- Ema balun duun Governu halo politizasaun ba moras Covid-19 iha Timor-Leste (TL), tanba ne’e, Primeiru Ministru (PM) Taur Matan Ruak husu fali katak, se Governu la foti medida hodi halo prevensaun mak ikus mai moras ne'e tama mai duni no da'et ba sosiedade iha rai laran, atu fó sala ba sé.

PM dehan, diak liu halo prevensaun antes atu nune’e moras ne'e labele da'et mai rai laran no iha sosiedade nia leet.

"Kuandu Covid-19 ne’e tama ona iha ne'e, nia sai ne'e susar. Ohin ema hotu dehan, Governu halo hanesan ne'e, halo hanesan ne'eba, maibé, kuandu nia tama iha ne'e, se mak loos, se mak sala," PM Taur hateten lia hirak ne’e hafoin vizita ospitál Lahane, Segunda (11/01).

Nune'e mós, Tau rhatutan, halo prevensaun presiza taka fronteira sira no ema hotu-hotu tenke fo ninia kontribuisaun.

"Liu-liu prioridade ba ita hotu numeru um, governante, sidadaun hotu ita koopera ho Ministériu Saúde ne'e importante, eh antes ita koopera ho Ministériu Saúde tuir sira nia instrusaun atu ita labele hetan moras," xefe governu subliña.

Tuir xefe governu ne'e katak, Nasaun sira hanesan Europa, Amérika, nasaun sira ne’ebé organizadu liu ho kapasidade boot, sira la konsege jere ona, kuantu mais TL ne'ebé kondisaun fraku loos, la'ós de'it ida ne'e, maib iha problema frazilidade barak.

Eis gerileiru ne’e fó ezemplu katak, númeru ema ne'ebé tuberkoloje ne'e barak, diabetea, mal nutrisaun ita boot sira hanoin, jardin karik rai ne'e bokur loos, tanba ne’e moras ne'e tama nia sai susar loos.

Tanba ne'e, Taur hatutan, estratezia ba kombate moras Covid-19, primeiru mak taka dalan atu nia labele tama, tanba ate agora kazu importa.

Tanba ne'e, governu kada fulan estende estadu emerjénsia hodi taka fronteira sira atu prevene moras ne'e labele mai.

"Ministériu Saúde husu mai ita dehan, lansa bei-beik lia-fuan ida dehan saude iha ita nia liman rasik, ne'e katak ema ida-idak mós tenke fó kontribuisaun. Se ita moras haketak ita nia an labele kontazia fali ba ita nia familia ho komunidade, tanba kuandu ida ne'e akontese grave liu ba ita", PM alerta.

Taur hatutan, bainhira mak moras ne'e tama duni sei grave liu, tanba sistema bele preparadu ba halo buat ruma, mais labele preparadu ba hotu kuandu, hanesan esperensia paiz sira seluk, ho medidas prevensaun ne'e importante.

“Medidas prevensaun ne'e inklui ita nia kontribuisaun ba esforsu autoridade sira ne'ebe iha linan frente, tanba moras ida ne'e labele tama iha ita nia rain, eh liu-liu namkari iha komunidade nia let, ida ne'e importante," nia dehan.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter