Login to your account

Username *
Password *
Remember Me

KHUNTO husu troka kompañia balun, CNRT Ejize Hapara Cesta Bázika

Tempotimor (Dili)- Bankada parlamentár Kmanek Haburas Unidade Nacional Timor Oan (KHUNTO, propoin hapara kompañia fornesedór programa cesta bázika ne'ebé laloos no bankada Congresso Nacional de Reconstrução de Timorensse ejize hapara programa refere hodi halo avaliasaun.

Xefe Bankada parlamentár Kmanek Haburas Unidade Nasional Timor Oan (KHUNTO), Deputada Olinda Guterres, deskonfia kompañia lokál sira-ne'ebé hetan tenderizasaun hodi distribui cesta bázika ba iha munisípiu, hamosu preokupasaun iha terenu.

Tuir nia, iha implementasaun programa cesta bázika ne'e iha kompañia fornesedór balun maka aproveita ho programa refere 'hafoer' imajen governu nian.

"Ha'u hakarak husu ba ita-boot, dala ruma iha ema (kompañia) balun mak atu estraga governu nia naran, entaun kompañia ne'ebé governu tau fiar ne'e di'akliu troka tiha," Deputada Olinda Guterres, kestiona liuhusi plenária Parlamentu Nasionál, segunda (11/1).

Nia haktuir, durante ne'e nia sempre rona no haree ho matan duni, povu halerik no presiza duni ai-haan cesta bázika ne'e.

"La'ós iha Dili rona de'it informasaun husi telefone ne'e la'e, ha'u duni mak ba, komesa husi Vemasse, Laleia, Manatuto, ba to'o iha Uatulari," deklara nia.

Deputada Olinda promete sei tún ba hasoru malu ho povu parte Loromunu, hodi hala'o fisklizasaun ba programa cesta bázika ne'ebé antes ne'e kompañia sira distribui ba.

"Sesta oin mai ha'u sei ba munisípiu, ba parte lorumunu nian, tanba parte loro sa'e nian ha'u konklui ona," deklara nia.

Iha fatin hanesan Deputada bankada CNRT, Carmelita Caetano Moniz husu ba governu di'akliu hapara lai programa cesta bázika ho provizoriamente nune'e governu halo lai avaliasaun.

Nia koalia ne'e tanba haree katak, kompañia sira daudaun ne'e hahú distribui sasán sira husi rai-li'ur nian, tanba to'o agora, produsaun ai-haan iha Timor-Leste la sufisiente.

"Ita husu ho onestu ba idak-dak nia-aan, problema barak iha programa cesta bázika, ne'ebé ita hotu husu atu hapara lai programa cesta bázika ne'e, hodi halo lai avaliasaun, keta halo ba ita mak nafatin rekupera ekonomia rai-li'ur,"nia preokupa. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter