Print this page

Assanami: Implementasun Lei La Di'ak, 'Autoridade' Prezudika Empreza Telekomnikasaun

By January 11, 2021 2265
Deputadu Mariano Assanami Sabino iha Plenaria PN Deputadu Mariano Assanami Sabino iha Plenaria PN Foto Suplai

Tempotimor (Dili)- Deputadu bankada Partidu Demokratiku (PD) Mariano Assanami Sabino, konsidera kompañia lokál sira-ne'ebé fornese internet iha Timor-Leste sente prezudikadu tanba implementaaun lei telkomnikasaun ladún balansu.

Nia hato'o lia hirak ne'e relasiona ho kompañia fornesedór internet balun ne'ebé hetan rekomendasaun husi governu.

Nia esplika, koalia kona-ba asuntu sinál globalizasaun ne'e mak komunikasaun, ne'e duni governu atu haree fila-fali lei telekomnikasaun, tanba lei ne'e prezudika kompañia lokál sira atu fornese rede ba Timor-Leste.

Nia haktuir maske la kleur tan Timor-Leste sei dada kabu submarinu husi Austrália mai Timor-Leste, maibé buat ida naran satelite ne'e, ne'e nafatin, embaixada sira iha Tmor-Leste ne'e mós hotu-hotu uza satelite.

Nia haktuir iha mós sasán barak ne'ebé Timor-Leste utiliza ne'ebé bolu dehan merkadu globál, babain bolu globalizasaun tanba Globalizasun ne'e ho sinál saida?, ne'e maka komunikasaun ne'e, tanba ne'e sé governu hakarak halo lei, regula didi'ak nune'e labele prezudika kompañia sira-me'ebé fó serbisu ba timoroan liu rihun 3.

"Maske aban bainrua ita-nia kabu submarinu ka ou ita bele iha kabel ida ne'ebé maka direta mai mós ida utiliza satelite ne'e, ne'e nafatin, embaixada sira mós hotu-hotu uza satelite no depois ita-nia sasán barak ne'ebé ita utiliza ne'e bolu merkadu globál ne'e mk dehan globalizasaun, nia sinál mak komunikasaun, entaun se ita hakarak halo lei, regula didi'ak, se lae ita prezudika ita- nia kompañia lokál sira, ne'ebé ke fó traballu ba ema barak," Deputadu Assanami hato'o preokupasaun ne'e iha plenária, Parlamentu Nasionál, segunda (11/1).

Nia husu haree didi'ak infra estrutura iha kompañia nian, tanba fo servisu ba ema kuaze 3 mil i tál, inklui hari konstrusaun torre boboot, no selu taxa ba governu. Maibé sira kontinua iha prezudikadu nia laran.

Nune'e nia preokupa tanba kompañia hetan tiha problma ida-ne'e, oinsá maka nia bele selu trabalador 3 mil ne'e no taxa , entaun governu nia haree ne'e oinsá para hadi'a lei ne'e.

Ba oin tenke iha ona ekipa para halo lei ida ne'ebé ke adekuadu, di'ak para atu regula ida-ne'e, tanba to'o agora ita seidauk iha ,"dehan nia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items