Print this page

Kazu Internet Ilegal, PLP-PD Lamenta Estadu Kriminliza Empreza Timoroan

By January 11, 2021 2746
Tore ho Mikrowave hodi simu no transmite rede internet ba operadores ISP sira iha TL Tore ho Mikrowave hodi simu no transmite rede internet ba operadores ISP sira iha TL Foto arkivu

Tempotimor (Dili)-Deputadu bankada Partidu Libertaun Popular (PLP) Abel Pires no Partidu Demokratiku (PD) Mariano Assanami Sabino lamenta tebes tanba governu Timor Leste no liuliu Ministeriu Públiku (MP) ne’ebé kriminaliza totál kompaña fornesidor internet balun.

Lamenetasaun ne’e mosu tanab empreza timoroan hirak ne’e, foin lalais hetan kapturasaun no operasaun sei kontinua nafatin husi autoridade servisu investigasaun Kriminal (SIK) tanba deskonfia halo koneksaun internet ho ilegalmente.

Deputadu Abel Pires hateten, lolos Governu labele kriminaliza uluk kompaña sira ne'e, maibé presiza kria desizaun koletivu oinsa mak rekupera hikas reseita ne'ebe durante ne'e estadu lakon.

Nia dehan, bainhira governu foti uluk medida kriminaliza kompaña ne'e entaun estadu sei la rekupa hikas reseitas ne'ebe durante ne'e estadu lakon ba sira.

"Hau hakarak hatoo hau nia lamentasaun no preokupasaun kona-bá kondisaun kompañia fornesidor internet iha ita nia rai. Horbainhirak ita nia kompañeru Mariano Assanami hato'o ona. Mais ha’u hakarak hato'o tan dala ida. Medidas ne'ebe estadu agora daudaun halo ne'e, ita ladun kompriende. Tan ema hotu-hotu iha timor ne'ebé mak ba rejistu ona mós agora daudaun tama iha prosesu kriminal hotu, ne'e laloos," Deputadu Abele kestiona iha plenaria PN, Segunda (11/1).

Nia konsidera iha dekretu lei numeru 15/2012, mos hatete klaru ona katak estadu ninia medida primeiru, tenke medida administrativu la'os medida koletivu ba kriminliza, ema hotu-hotu ho kodiku penal.

Abel husu governu uza lai enkuadramentu legal ne'ebe mak iha area seitor telkomunikasaun, hanesan dekretu lei numeru 15/2012 ne'e para foti lai medida hodi kompañia sira bele selu multa, oinsa rekupera receita maibe, bainhira kompañia sira la rekupera mak estadu foin foti asaun koletivu ba kriminaliza.

Kona-ba kestaun fornese internet ilegal, no halo koneksaun internet ilegal ne'e, nia konsodera, ida ne'e komunidade maioria komete hotu, la'os kompaña de'it mak halo ida ne'e.

Nia koalia ne'e tanba nia hare katak, agora de'it komunidade iha Timor-Leste kada uma ida, sira iha radio no televizaun uza tán frekuensia.

Tanba ne'e nia mos sujere governu presiza hatene katak numeru utilizador ba internet ka halo koneksaun ba lina telkomunikasun iha timor ne'e nia limitasaun ne'e to'o iha ne'ebé. Tanba kualker ema ida iha uma iha parabola mos bele halo ligasaun kona-ba aparellu telekomunikasaun, sein lisensa husi governu.

"serake ida ne'e tama hotu iha kategoria kriminalizasaun," nia kestiona.

Iha fatin hanesan Deputadu Partidu Demokratiku (PD) Mariano Assanami Sabino husu ba governu bainhira halo lei ruma ba area telkomunikasaun, instituisaun implementador sira tenke uza no regula didiak, ba area telkomunikasaun hotu-hotu, nune'e labele prejudika fali kompaña lokal sira ne'ebe fornese internet.

"sé ita hakarak halo lei, entaun regula didiak, la'e ita prezudika ita nia kompañia lokál sira ne'ebé ke fo trabalho ba ema barak,"nia dehan. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items