Segunda PN Hili Reprezentante Na’in Rua ba CI

Sekretaria Meza Parlamentu Nasional (PN) Lídia Norberta (klaran) ko'alia hela ba Jornalista sira iha Parlamentu Nasional (8/1) Sekretaria Meza Parlamentu Nasional (PN) Lídia Norberta (klaran) ko'alia hela ba Jornalista sira iha Parlamentu Nasional (8/1) Foto Tempo Timor

Tempotimor (Dili)-Segunda loron 11 janeiru 2021, Parlamentu Nasional (PN) liu husi plenaria sei deskuti no halo eleisaun ba reprezentante parlamentu na’in rua iha Conselho Imprensa (CI), tanba konsidera ajenda refere la realiza kleur ona.

Sekretaria Meza Parlamentu Nasional (PN) Lídia Norberta hateten, ajenda ba membru parlamentu atu hili nia reprezentante iha Conselho Imprensa, lider bankada sira aseita ona atu hala'o plenária iha segunda semana oin.

"Liu husi reuniun lider bankada, deputadu hotu-hotu konkorda ona atu realiza plenaria iha segunda 11, ho ajenda eleisaun ba membru Conselho Imprensa, tanba ajenda ida ne'e kleur demais ona," Lídia hateten liu husi konferénsia Semanál iha PN Sesta (8/1).

Lídia hatutan, meza PN mós fó ona orientasaun ba bankada sira hotu hodi prepara sira nia lista kandidatura tenke ema jurista, hodi bele ba kompete iha eleisaun ne'e.

Kona-ba legalidade eleisaun ne'e, Deputada lídia haktuir, iha lei numeru 5/2014 komunikasun sosial, artigu 45 hateten klaru iha ne'ebá katak, PN sei hili ema na'in rua ba membru CI, maibe husi ema na’in rua ne'e obrigatoriamente tenke jurista. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks