Camílio hatete, iha mundu polítika dala-barak mak partidu polítiku sira sempre tau aas interese atu envolve kaer-ukun bainhira iha intendementu.

Camílio argumenta, loloos partidu polítiku sira buka oinsá mak labele husu de'it interese maibé inportante liu mak buka dalan halo buat di'ak ba interese Rai no Povu.

" Ita-nia prekupasaun, katak labele mós ita buka de'it saida mak ema fó ba ita maibé ita tenke luta ba saida mak bele fó ba povu ka sosiedade," Camílio informa ba www.tempotimor.com iha nia knaar-fatin, UNTL, Kaikoli Dili, Sesta (8/01).

Camílio akresenta, desizaun tomak fila ba partidu polítiku sira liuhusi entendimentu ka akordu ne'ebé halo presiza akumula ideia tomak ne'ebé lori no atu halo ba interese povu no Rai.

Akademista ne'e argumenta oras ne'e ema hotu presiza mai ho hanoin pozitivu, tanba partidu iha nia ema ho vizaun estratéjiku nune'e iha kondisaun saida de'it bele muda-aan kuandu iha interese ne'ebé akumulada. (*)