Login to your account

Username *
Password *
Remember Me

Governu Koreia Súl husu Traballadór Reentry bele ba Servisu dala-ida tan

Timoroan sira ba serbisu iha estranjeiru antes arangka sei iha enkontru ruma ho ukun nain sira iha momentu ne'eba Timoroan sira ba serbisu iha estranjeiru antes arangka sei iha enkontru ruma ho ukun nain sira iha momentu ne'eba Foto Arkivu

Tempotimor (Dili)- Maski mundu enfrenta hela problema globál surtu Covid-19, maibé Governu Koreia Súl liuhusi nia kompañia kontratór sira husu hela ba nasaun sira ne'ebé durante nia ema ba servisu iha Koreia Súl inklui Timor-Leste atu haruka tan nia traballadór reentry sira bele ba servisu tan dala-ida.

Diretór Diresaun Nasionál Empregu Exteriór (DNEE), iha SEFOPE, Filomino Soares esplika, traballadór reentry ne'e maka hirak ne'ebé antes ba tiha ona servisu iha Korreia Súl, fila mai, maibé sira hakarak ba fali, ida ne'e sira bele tama.

"Agora daudaun ida ne'ebé sira sei simu husi nasaun sira ne'e, ne'e traballadór ne'ebé reentry. Razaun tanba sira ba la hetan ona teste saúde iha ne'eba ona, tanba só teste kona-ba Covid, depois ho karatina de'it, sira selu", diretór Diresaun Nasionál Empregu Exteriór (DNEE) hateten lia hirak ne’e iha nia kna'ar-fatin Bekora, Kinta (07/01).

Nia dehan, maski TL hasoru hela implementasaun estadu emerjénsia ba da-sia nian, maibé traballadór reentry sira bele ba nafatin, tanba bainhira flyght kontinua la'o, SEFOPE sei hamutuk ho reprezentante governu Koreia nian iha Timor bele organiza joven sira depois haruka sira ba servisu.

"Sira ne'ebé ba tiha ona, fila mai, aplika fali, sira ba fali. Sira ne'e kompañia mós foti ona sira, tanba sira ba la presíja atu teste tan saúde, sira ba ne'e hareee de'it teste Covid-19 nian, hotu ona, sira bele ba Karantina, hotu tama servisu kedas", nia dehan.

Tuir dadus ne'ebé iha, SEFOPE liuhusi diresaun empregu exteriór prepara ona kandidatu traballadór reentry hamutuk ema na'in 41 mak sira prepara ona atu ba servisu iha Koreia Súl.

"Reentry ne'e 41 pessoas. Ami hetan ona kontaktu ho sira husi aviaun ida foin lalais ho aluga liuhusi Kuala Lumpur mai ne'e. Aviaun ida ne'e maka ami kontaktu ajénsia ida baibain halo robait ticket ba traballadór sira balun ba Inglaterra. Ida ne'e mak sira bele uza ida ne'e, sira bele tama iha Kuala Lumpur, depois iha ne'ebá aviaun Korreia Air ativu hela, la'o hela mai Kuala Lumpur, entaun sira bele uza aviaun ne'e bele tama ba iha ne'ebá", nia esplika.

Alende ne'e, traballadór regulár ka sira ne'ebé foin ba dahuluk atu ba servisu iha nasaun Koreia Súl, seidauk bele ba tanba presíja liuhusi teste lubuk ida hanesan saúde ho Covid19 nian, no traballadór sira rasik mak fó aluga selu aviaun, maibé daudaun ne'e TL laiha aviaun Commercial flyght.

"Sé sira tama iha ne'ebá teste saúde mak la liu, aviaun Commercial flyght laiha, sira labele fila. Sé aviaun aluga, mais labele tula ema nain-rua-tolu, ida ne'e maka problema. Sé ita aluga aviaun ba maka lori ema na'in hira ne'e ba maka sira teste la liu, oinsá maka maka sira atu bele fila, osan iha ne'ebé", nia dehan tan.

Maski nune'e, sira rasik mós tenta beibeik liuhusi komunikasaun ho HRD Korreia Súl nian atu bele fó apoiu, maibé razaun husi sira maka, sé traballadór sira ba maka hetan moras, bainhira fila, sé mak fó aluga ba aviaun, tanba ida ne'e difisil.

"Sé sira hela tan iha ne'ebá, karantina sé mak atu selu, ida ne'e maka problema", nia tenik.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter