Taur Matan Ruak hato’o asuntu ne’e hodi responde pergunta jornalista nian, hafoin hala’o enkontru semanál ho Prezidente Repúblika, Francisco Guterres Lú Olo iha Palásiu Prezidente Nicolau Lobato, Bairo-Pite, Kinta (07/01).
“Ami remodela hela beibeik ne’e. Imi haree ha’u nia Vise-Primeiru Ministru ne’e foin daudaun mak mai ne’e. Remodela hela mas kuandu nesessáriu sei halo remodelasaun, mas por enquanto seidauk,” Taur hateten.
Lider másimu VIII Governu ne’e informa mós katak, bainhira iha duni nesesáriu, maka, hanesan Primeiru Ministru sei informa ba públiku.
“Remodelasaun bot ne’ebé halo maka reforsu hosi ekipa Vise Primeiru Ministru ninian, ne’e remodelasaun bot mak ne’e kuaze prenxe Governasaun tomak. Agora seluk ne’e seidauk. Kuandu iha ha’u sei informa no desizaun ne’e se maka bele avansa ne’e ha’u hanesan Primeiru-Ministru,” nia subliña. (*)