Login to your account

Username *
Password *
Remember Me

Udan Boot Loron Rua, Inundasaun Hamate Ema Ida no Estraga Uma 38

Sekretariu Estadu Protesaun Sivil (SEPS), Joaquim Gusmao ko'alia hela ba media sira liu-husi konferensia imprensa iha salaun edifisiu SEPS kaikoli, kinta (07/01). Sekretariu Estadu Protesaun Sivil (SEPS), Joaquim Gusmao ko'alia hela ba media sira liu-husi konferensia imprensa iha salaun edifisiu SEPS kaikoli, kinta (07/01). Foto Tempo Timor

Tempotimor (Dili)- Iha loron 5-6 fulan janeiru tinan 2021 akontese udan boot ne’ebé rezulta ema ida mata no uma hamutuk 38 mak hetan estragus, tanba inundasaun, ahi han uma no rai monu.

Sekretariu Estadu Protesaun Sivil (SEPS), Joaquim Gusmão hateten, vitima uma ka'in 38 oras ne’e daudaun parte SEPS fó ona apoiu emerjénsia.

Nia fó sai dadus katak, udan boot iha loron 5 fulan janeiru, iha aldeia Lakonea, suku Debo, Postu-administrativu Suai Vila, Munisipiu Kovalima bee tama hodi estraga uma 4.

"Ohin ita hakarak update ba situasaun territóriu tomak liu-liu akontesimentu udan boot iha semana ida ne'e nia laran komesa dia 5 de janeiru ita iha akontesimentu, primeiru iha Suai aldeia lakonea, suku Debo, suia vila iha ne'eba inundasaun bee sa'e tama uma ka'in hamutuk 4", Joaquim Gusmao hateten ba jornalista iha knaar fatin salaun edifisiu SEPS Kaikoli, Kinta (07/01).

Iha Aldeia Obratu, Suku Sau, Postu-administrativu Manatutu Vila, Munisipiu Manatutu ahi han uma ida.

Iha mos udan boot, parte bekora ponte maufelu bee sobu moru protesaun uma ka'in 3 mak sai vitima.

"Iha mos dia 5, iha Dili akontese udan boot no iha merkadu bekora mota maufelu nian bee sobu tiha moru protesaun ida ne'ebe rezultadu ita nia komunidade nia kios uma tolu mak bee sobu tiha, no sira labele hela iha ne'eba, nune’e evakua ona ba fatin ne'ebe seguru",nia afirma.

"Iha mos dia 5, iha Aiturilaran uma rua ne'ebe mak bee tama, no ita konsege ba haree, sira ne'eba mos la evakua no sei mantein hela iha ne'eba. Ida tan iha kuluhun uma tolu mak hetan estragus tanba ai-tohar hanehan, ida ne'e mak akontesimentu iha dia 5 de janeiru", nia esplika.

Iha loron 6 fulan janeiru, akontese udan boot, iha aldeia Fatuk Fransisco, Suku Camea, Postu-administrativu Cristu Rei, Munisipiu Dili uma 18 mak vitima, tanba bee tama.

"Iha dia 6 horseik loraik udan boot, ita nia ekipa husi diresaun nasional risku dezastre no mos diresaun nasional bombeirus ho DNSPP hanesan ekipa ida ne'ebe halo movimentu rapides ba iha ita nia komunidade ne'ebe mak hetan afeitadu, iha aldeia fatuk fransisco camea, iha ne'eba bee tama uma hamutuk 18, idepois ita konsege evakua uma ka'in tolu ba iha sira nia familia ", nia informa.

Iha aldeia lases komarka Bekora nia kotuk, iha ne'eba afeta uma 5 ne'ebe bee tama, tanba ezgotu laiha, maibe konsege salva sira nia an ho sasan, no ekipa bombeirus ne'ebe tun ba iha terenu evakua familia uma ka'in tolu ba iha sentru evakuasaun suku camea nian iha bekora.

Nune'e mos iha aldeia Surana, Suku Lahane Oriental, Postu-administrativu Nain Feto, Munisipiu Dili rai monu taka metin uma ida.

"Iha mos aldeia Lemoranu Dare uma 5 mak afeitadu, dadus ne'ebe mak iha ba inundasaun, nomos iha suku mantelu postu Metinaru uma rua, ho suku wenunuk uma rua mak afeitadu. Tanba ne'e total vitima ne'ebe konsege temporariu ita ninia ekipa dezastre nian iha kampu bele rekolla, hamutuk uma 38", Joaquim fo sai dadus.

Tuir dadus SEPS nian, durante loron 5-6 Fulan janeiru tinan 2021 udan boot konsege identifika iha Munisipiu 4 mak komunidade sai vitima.

"Total vitima, iha uma 39 inklui mate isin, uma ka'in 38 ho vitima mate ida ita nia alin feto ida ne'ebe mak iha Vikeke, ita konsege rekolla dadus ne'e iha Munisipiu 4, hanesan Dili, Manatutu, Vikeke ho Suai", Joaquim konklui.

Governante ne’e fó sai katak, tuir governu nia politika, bainhira akontese dezastre, governu iha dever atu bele fó kedas apoiu ba vitima.

Primeiru kedas maka governu fó apoiu emerjénsia, hanesan hahan atu sira bele tahan netik loron ida rua, nomos sanan, bikan, kanuru, lona balde atu sira bele tahan durante sira nia uma seidauk bele hela ba.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter