Print this page

Xefe Governu Agradese Bispu Sira Suspende Atividade Misa

By January 07, 2021 1541

Tempotimor (Dili) - Primeru Ministru Taur Matan Ruak, hato'o agradesimentu ba Bispu sira-ne'ebé suspende atividade misa iha territóriu nasionál hodi minimiza risku ba propagasaun surtu COVID-19.

"Governu nia ezekusaun medida sira-ne'e impede atividade religioza misa no lori governu nia naran agradese ba ita-nia amu Bispu sira kooperasaun hodi minimiza risku kontájen iha ita-nia populasaun sira, segundu mak atividade desportu, atividade kulturál no atividade sira-ne'ebé obriga konsentrasaun boot liu," Xefe Governu ko'alia iha Palásiu Prezidensiál, Bairru-Pité, kinta (07/1).

Taur hateten, estadu emerjénsia ne'e la'ós buat foun tanba konsege utrapasa aplikasaun EE ne'e.

"Loloos ne'e hanesan esperiénsia di'akliu ona para atu enfrenta situasaun ne'e ho di'ak," nia katak.

Xefe Governu husu ba inan-aman no populasaun sira koopera tanba esforsu sira-ne'ebé halo atu evita ema labele mate, sira-ne'ebe efetadu labele mate nomós labele kontájia ba sira-nia famíia nomós labele kontájia ba komunidade ho sidadaun sira tanba moras ida-ne'e mai nia la hili Primeru Ministru, nia la hili membru governu nia la hili, nia ida-ne'ebé besik liu ataka ona nia konsekuénsia ne'e boot iha saúde públiku.

"Eskola, ita laiha desizaun atu taka simplesmente Ministeru Edukasaun halo sirkulár ida para eduka eskola sira bele kontinua mais observa regularizamente medida ne'ebe fó-sai katak, mantein distansiamentu sosiál no fase-liman buat sira-nee importante hotu", hateten Taur

"Atividade Cesta Bázika kontinua mais tenke observa medida sira-ne'ebe fó-sai ona no daudaun ne'e ministériu sira halo hela esforsu, naturalmente atividade sira ita la para totalmente mais ita kumpri regras sira.", haktuir Taur.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items