Prokuradór Jerál Republika (PJR) José da Costa Ximenes, eplika lei sibernétika ne'e sei ajusta mós ba Kódigu Prosesu Penál (KPP) no Kódigu Penál (KP).
"Hasoru Primeiru Ministru ko'alia Uitoan kona-ba kestaun Lei sibernétiku ne'ebé iha loron 4 fulan ida-ne'e, hanesan ha'u pasa tiha ona ba ita boot sira balun iha loron 4 janeiru ami haruka tiha ona ba Ministériu Justisa", Nia informa hafoin sorumutu ho Primeiru Ministru Taur Matan Ruak, iha Palásiu Governu, kinta (07/01).
Nia afirma, sibernétika ne'e projetu ida husi Ministeriu Públiku ne'ebé daudaun prosesu la'o hela.
"Projetu ida husi Ministeriu Públiku kona-ba lei sibernétika ninian, iha purvolta artigu 33, 34 ital ke ita haree, lei ida-ne'e mós bele ajusta ho KPP no KP balun, liuliu iha prova dijitál nomós iha kestaun balun Kódigu Penál ninian," dehan Nia. (*)