Print this page

Lere: Governu Labele Marzinaliza Joven Iha Rai Rasik

By January 06, 2021 2263
Xefe Estadu Maiór Jenerál F-FDTL, Majór Jenerál Lere Anan Timur ko'alia hela ba jornalista sira hafoin remata sorumutuk ho Prezidente Republika, Dr. Francisco Guterres Lu Olo iha Palasiu Prezidensial Bairro Pite Dili (16/1) Xefe Estadu Maiór Jenerál F-FDTL, Majór Jenerál Lere Anan Timur ko'alia hela ba jornalista sira hafoin remata sorumutuk ho Prezidente Republika, Dr. Francisco Guterres Lu Olo iha Palasiu Prezidensial Bairro Pite Dili (16/1) Foto Midia PR

Tempotimor (Dili)-Xefe Estadu Maiór Jenerál F-FDTL, Majór Jenerál Lere Anan Timur, husu governu atu kria kampu servisu ba joven sira la’ós marzinaliza fali joven sira iha rai rasik inklui iha ema-nia rain.

Xefe estadu hato’o lia hirak ne’e hafoin hasoru malu ho Prezidente Repúblika (PR) Francisco Gutrres Lú Olo iha Palásiu Prezidensiál, Bairru-pite ohin.

“Governu mak tenke fó servisu ba ita-nia joven sira, se lae ita bele dehan ita-nia joven sira ne’e sai marzinalizadu dala rua, prontu marzinalizadu iha nia rai rasik depois ba marzinaliza tán iha ema-nia rai,” Jenerál Lere informa ba jornalista sira, Kuarta (6/1).

Lere fó ezemplu, joven sira ba servisu iha ema-nia rai ne’e tanba de’it servisu laiha ne’e mak ba iha ema-nia rai, marzinaliza iha rain rasik ne’e mak ba servisu iha Austrália, maibé ba iha-ne’ebá marzinaliza tán.

“Mezmu sira marzinaliza iha ema-nia rai, maibé sira eroi, eroi ba dezenvolvimentu nasaun nian, sira haruka osan mai, foin lalais ha’u rona katak sira na’in 100-resin halai husi servisu fatin, ne’e problema ne’ebé dezafiu ba sira-nia situasaun, agora governu tenke rezolve tanba saida mak halai, kompañia mak la selu ka korona virus, entaun ne’e dezafiu boot ba ita-nia estadu no governu para onsá estabiliza ba ita-nia joven ka jerasaun sira-ne’e,” nia katak.

Jenerál fitun rua ne’e dehan, ita lakohi mak ita-nia joven sira marzinaliza ba dala- rua, iha rai rasik mós marzinaliza, depois marzinaliza mós iha ema rain.

“Ha’u la fiar katak sira- ne’ebé ba servisu iha Austrália no Korea ne’e hanesan ema Australianu ka Koreanu, maibé sira-nia moris la hanesan, sira sakrífika sira-nia aan, tanba ne’e sira mós sai eroi ba ita-nia dezenvolvimentu, sira-nia osan hira mak loron, fulan no tinan tama iha Timor, tanba ha’u la’o iha munisípiu sira haree katak uma barak mak luxu no di’ak, afinál sira mak halo, tanba ita teke agradese ba sira,” tenik Lere Anan.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items