Bispu Sira Deside Suspende Misa Tanba La'os Governu Halo Desizaun Mangame

Bispu Dioseze Baucau, Dom Basilio do Nascimento Bispu Dioseze Baucau, Dom Basilio do Nascimento Foto Arkivu

Tempotimor (Baucau) — Bispu Dioseze Baucau, Dom Basílio do Nascimento hateten Bispu sira deside suspende misa iha territóriu nasionál tanba la'os mangame maka governu foti desizaun hodi hodi halo prevensaun surtu pandemia Covid iha nasaun Timor Leste nune'e ema hotu-hotu tenke kumpri.

Amu Basílio esplika, surtu ne’e labele halimar tanba ne’e presiza kuidadu saúde nu’udar baze fundamentál.

" Governu hola desizaun la'os tanba governu hakarak mangame, maibé ha'u hanoin sira haree katak buat ne'e komesa todan oitoan. Nune'e la'os Uma-kreda mak lakohi halo missa, maibé ita tenke la'o tuir buat ne'ebé nasaun nian," Bispu Dioseze Baucau, Dom Basilio do Nascimento, ko’alia iha munisípiu Baucau, Domingu (3/1).

Nia parte la hatene estadu emerjénsia sei prolonga tán ka lae bainhira loron 1 fevereru 2021 tanba pandemia ne’e mosu la koñese sé, sé de’it.

“Ne'e duni, Bispu sira sei tuir nafatin buat ne'ebé governu hato'o. Ne'e duni, labele halibur ema barak, iha sarani ida iha nia hakerek ne'e dehan, ‘agora Uma-kreda mós hakru'uk hotu ba governu’. Ita tenke haree sasán ne'e, la'os ita haree ita-nia kintál. Ita tenke haree buat ne'e timór nia vida, la'os tanba dehan ha'u hakarak ba misa loron-loron be, agora tenke halo tuir. Sira seluk mate, mate tesik iha ne'ebá, hakarak ha’u ba misa. Ne'e mós laloos, ne'e egoizmu,” esplika Bispu Dioseze Baucau. 

Nia fundamenta ne'e la'ós buat sarani nian, ne'e duni ita hotu iha fiar, iha devosaun sarani nian, maibé tenke respeita mós nasaun nia moris.

“Ne'e duni, mate mak halimar fali. Sira-ne'ebé la fiar iha Maromak ne'e mate de'it, prontu, ne'e sira- nia urusan ho Maromak no Maromak nia urusan ho sira,” Amu Basílio fó hanoin ba sarani sira munisípiu Baucau.
Bispu Dioseze Baucau ne’e haturan, pandemia ne’e mosu ka mai ne'e, lahatene sé, sé de’it, agora iha Dili inus-metin barak, mear metin barak, lahatene sé buat ne'e sinál Covid nian maka ne'e.

Amu Basílio informa moras ne’e alastra ba mundu tomak tanba ne’e sarani sira tenke halo orasaun makaas no fiar tenke maka'as.

Nune’e mós tenke kumpri regra ne'ebé Ministériu Saúde no Organizasaun Mundiál (OMS) fó-sai ona katak tenke uza maskára, fase-liman beibeik ho sabaun no kumpri distansiamentu sosiál.

“Ita kumpri regra ne'ebé governu hasai no regra ne'ebé Uma-kreda hato'o ba ita hotu nia di'ak,” hateten Dom Basílio. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks