Print this page

CNRT Husu Armindo Maia Labele 'Bosok' Estudante ho Medida prevensaun Covid-19

By January 06, 2021 3468

Tempotimor (Dili)-Deputada Bankada Opozisaun Congresso Nacionál de Reconstrução Timorense (CNRT) Virgina Ana Belo husu Ministru Edukasaun Juventude no Desportu (MEJD) Armindo Maia labele 'bosok' estudante sira ho medida prevensaun covid-19 hodi suspende atividade eskolar iha rai laran.

Nia konta tuir katak, iha loron 4 janeriu 2021 MEJD deklara ona atu suspende temporaria ba kualker atividade eskolár iha teritoriu timor laran tomak, maibe la to'o meudia ministru ne'e rasik deklara hikas dehan sei la suspende atividade eskolar.

Deputada ne’e konsidera iha tinan foun 2021 ne'e ema barak hakarak atu ba eskola, maibe deklarasaun ministru nian halo ema no estudante hotu la konpriende no konfuzaun tanba ministru hasai deklarasaun sein konsulta ho dekretu lei.

"Ita mos hakarak atu sakrifika fali ita nia oan estudante sira ne'ebe hakarak atu eskola, ha’u ko’alia hanesan ne'e tanba horseik 4 janeiru de'it, ministru ne'e hasai ninia informasaun dalarua, iha parte dader nia ko’alia dehan katak atu suspende atividade eskolar, depois meiudia nia hasai tiha fali dekretu foun ida dehan atu difine fali regras foun hodi fila fali eskola, ha’u lahatene ida ne'ebé mak los," deputada hato'o lamentasaun ne'e iha plenaria PN Tersa (5/1).

Hatan ba kestaun ne'e Deputada bankada Fretilin Maria Angelica Rangel dehan, kona-ba asuntu ida ne'e Ministeriu Edukasaun Juventude no Desportu ezekuta tuir dekretu governu nian.

Ne'e duni nia fo hanoin ba publiku katak, medidas hirak ne'ebe governu halo ne'e konformi hare husi dekretu oinsa mak bele prevene surtu covid-19 iha Ttimor-Leste. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items