Bispu Basilio Simu Mensajen “COVID-19 iha Timór Bosok no Alkatiri mak Inventa”

Bispo Diosese Baucau dada lia ho Sekretariu jeral FRETILIN, Dr. Mari Alkatir akompania husi Arse bispo Metropolitan Dili, Dom Virgilio do Carmo iha momentu ruma ba kotuki Bispo Diosese Baucau dada lia ho Sekretariu jeral FRETILIN, Dr. Mari Alkatir akompania husi Arse bispo Metropolitan Dili, Dom Virgilio do Carmo iha momentu ruma ba kotuki Foto Arkivu

Tempotimor (Baucau) — Bispu Dioseze Baucau, Dom Basilio do Nascimento simu mensajen hosi ema balun katak pandemia COVID-19 ne’ebé iha Timor-Leste bosok no Sekretáriu Jerál Frente Revolusionária Timor-Leste (FRETILIN) Mari Alkatiri mak inventa.

“Horisehik ha'u haree iha mensajen ida ema haruka mai, señor ida dehan hanesan ne'e, buat ne'e bosok, Alkatiri mak inventa. Kuitadu, Alkatiri oan ne'e sala hotu-hotu iha timór nia mak lori,” Bispu Dioseze Baucau, Dom Basilio do Nascimento, ko’alia iha munisípiu Baucau, Domingu (3/1).

Bispu Dioseze Baucau ne’e hateten la gosta Alkatiri ne’e prosesu seluk ida maibé surtu COVID-19 ne’e fó-sai husi doutor sira.

“La'os Alkatiri mak manda, mais doutór sira mak manda, maibé doutor sira mak hateten, agora ne'e iha kazu 46 no buat ne'e atu multiplika tán. Tékniku sira dehan, kuandu rai manas, buat ne'e ladun la'o,” dehan nia.

Ne'e duni, governu hola desizaun atu timor oan defende-aan hodi dehan labele halibur ema barak, labele iha fatin ida, uza maskára , fase-liman ho sabaun no kumpri distansiamentu sosiál.

“Ne'e duni, loron-loron misa iha-ne'e, ita hotu hakarak dehan, ou ami la ba misa ne'e ami sente hanesan ne'e, maibé labele liu ema nai’n-10,” Bispu ne’e fó hanoin ba sarani hotu.

Bispu Basilio sei tetu hela katak misa liuhusi rádiu hanesan uluk iha kuarezma nian nune’e sarani hotu akompaña liuhosi rádiu de’it.

“Buat hirak ne'e kuandu moras la kona ne'e ita hotu kontente. Maibé sé mai maka tanba ita la tuir regra ne'e mak buat hirak ne'e liu, ita uma kreda haan basá fila,” hateten Bispu Dioseze Baucau ne’e. (*)

Rate this item
(10 votes)
Last modified on Tuesday, 05 January 2021 07:02
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter