MEJD Suspende Temporária Eskola Iha Timor Laran Tomak

Ministru Edukasaun Juventude no Desportu, Armindo Maia Ministru Edukasaun Juventude no Desportu, Armindo Maia Foto Suplai

Tempotimor (Dili) — Governu liuhosi Ministériu Edukasaun Juventude no Desportu (MEJD) ofisialmente suspende temporária eskola sira iha Timor laran tomak labele halo prosesu aprendizajen.

Ministru Edukasaun Juventude no Desportu, Armindo Maia informa ba públiku no espesiál ba komunidade edukativa katak, prosesu aprendizajen labele la’o tanba numéru moras Covid-19 ne'ebé hahú aumenta iha Timor-Leste.

Desizaun ne’e bazeia ba dekretu governu númeru 21/2020, 30 dezembru kona-ba medida ezekusaun deklarasaun estadu emerjensia, artigu 28 kona-ba funsionamentu estabelesimentu ensinu Ministériu Edukasaun Juventude no Desportu.

“Ho ida-ne'e mak desidi katak, ba eskola públiku no eskola privada sira inklui eskola Katólika sira- ne’ebé iha fundasaun sira-nia mahon, eskola Portugeza Rui Cinaty Dili, eskola internasional sira seluk iha teritoriu laran tomak atu suspende lai kualkér atividade ensinu, atividade inskrisaun no orientasaun ba estudante foun tinan letivu 2021,” Ministru Armindo Maia informa liuhusi konferénsia imprensa iha salaun MEJD, Vila Verde, Segunda (04/01).

Razaun MEJD suspende temporária tanba atividade posesu aprendijazen konsentra ema barak nune’e hodi hein de’it despaxu ministeriál konjunta entre Ministériu Edukasaun Juventude no Desportu ho Ministériu Saúde.

Meiu ne’ebé Ministeriu Edukasaun Juventude no Desportu uza mak kontinua no haforsa tán programa online ensina distánsia mak hanesan programa eskola ba uma, tele-eskola iha rádiu no televizaun sira inklui iha mídia sosiál.

“Fornese matéria online iha website (sítiu), bele asesu iha google playstore aplikasaun eskola ba uma,” nia akresenta

Ministru Armindo Maia espera suspensaun prosesu aprendijazen sei la lori tempu naruk no husu ba profesór no alunu sira husi pre-eskolár, ensinu báziku, no ensinu sekundáriu jerál atu nafatin akompaña programa ensinu distánsia husi plataforma online.

Governante ne’e dehan, durasaun tempu ba suspensaun eskola sira sidauk fiksu, nune'e hein de'it despaxu foun husi Ministériu Edukasaun Juventude no Desportu. (*)

Rate this item
(8 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks