Print this page

PM Taur Relata Prosesu Finansia GS Ba Xefe Estadu Featured

Tempotimor (Dili); Primeiru Ministru, Taur Matan Ruak, relata servisu Governu nian kona-ba finansia Greater Sunrise (GS) ba Prezidente Repúblika, Francisco Guterres Lú Olo.

"Ohin inforama ba prezidente repúblika kona-ba prosesu kompra ne'ebé lao hela kona-ba ConocoPhillips no Shell Gas nian inklui prosesu komersial Timor GAP ho kompañia Xina", tenik Primeiru Ministru, Taur Matan Ruak, iha Palásiu Prezidensiál, Bairru-Pité, Kinta (9/05).

Xefe Governu dehan, atividade hotu konsentra ba preparativus atividade esplorasaun ne'ebé lao ba oin. Tanba atu to'o iha esplorasaun Timor-Leste tenke halo buat barak.

"Buat barak ne'ebé ita tenke halo maka hanesan iha Beasu tenke halo Portu, no tenke halo plata forma ba prosesu mina nian, depois pipeline mai no iha tasi laran ne'ebá plataforma esplorasaun mai iha ne'e. Prosesu lubuk ida. Alende husi kestaun sira ne'e iha mós Suai, Betanu ne'ebé hola parte hotu projetu boot ne'ebé iha Tasi Mane ninian", tenik Matan Ruak.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items