Login to your account

Username *
Password *
Remember Me

Kuarta, IDN Fó Graduasaun ba Xefe Suku 442

Autoriedade Lokál sira foto hamutuk ho Diretór IDN Donaciano Costa Gomes "Pedro Klamar Fuik" no Koordenadór Kursu Seguransa Defeza Nasionál IDN Nuno Corvelho Sarmento Autoriedade Lokál sira foto hamutuk ho Diretór IDN Donaciano Costa Gomes "Pedro Klamar Fuik" no Koordenadór Kursu Seguransa Defeza Nasionál IDN Nuno Corvelho Sarmento Foto Tempo Timor

Tempotimor (Dili)- Institutu Defeza Nasionál (IDN) iha Kuarta (23/12) sei fó graduasaun ba xefe suku na'in 442 iha teritóriu nasionál ne'ebé durante fulan tolu tuir formasaun iha IDN.

Koordenadór Kursu Seguransa Defeza Nasionál IDN Nuno Corvelho Sarmento hateten, IDN sei fó graduasaun ba xefe suku na'in 442 iha loron 23 fulan Dezembru bainrua, ne’ebé hahú halo formasaun husi fulan Maiu to’o Jullu tinan ne’e, no konklui ona Kursu Seguransa no Defeza Nasional iha auditoria Pateo IDN DIli, maibé xefe suku na’in 10 la marka prezensa tanba la partisipa iha formasaun ne’ebe hala’o iha primeira faze.

"Seremonia gradusaun ne’e sei hala’o iha CCD no sei kompleta uluk ho formasaun kona-ba simulasaun no koordenasaun ba jestaun Krize COVID-19 no simulasaun ba protokolu nasional no autoridade lokál sira durante loron 21-22 Dezembru, tanba formasaun ba fase daruak ne’e nu’udar formasaun iha nível elementár iha área Seguransa no Defeza Nasional hodi haluan koñesimentu autoridade lokál sira nian," Nuno hateten iha CCD, Segunda (21/12).

Tuir nia, durante loron rua sei iha modulu simulasaun rua ne'ebé Diretór IDN, Capitaun Mar e Guerra Donaciano Costa Gomes “Pedro Klamar Fuik” mak sei fó depois iha Kuarta (23/12) entrega Sertifikadu no manuál formasaun nian, Kadeli no Uniforme balun ne’ebe IDN prepara hela ba autoridade lokál sira.

“Objetivu prinsipál husi formasaun ba segundu periodu ne’e, atu kapasita diak liután xefe suku sira-nia koñesimentu kona-ba oinsa sira bele halo jestaun no koordenasaun ka oinsa atu atua iha situasaun de kalamidade no desastres naturais,” nia dehan.

Tuir nia, durante formasaun iha primeiru períodu, konsentra liu ba iha kestaun teorika no hala’o mós debate kona-ba situasaun ne’ebé iha no iha formasaun daruak ba faze elementár ne’ebe la’o loron rua nia laran, bazeia liu ba iha tipu simulasaun.

Entretantu fundamentu seluk husi matéria simulasaun ba jestaun no koordenasaun ba krizi ne’e, oinsa xefe suku sira bele jere.

Portantu situasaun sira ne’e, oinsa sira bele koordena sira nia aktividades liu-liu kona-ba dezastre naturál nomós ikus ita hasoru mós pandemia COVID-19.

Kona-ba formasaun protokolu nasionál oinsa sira bele organiza eventu nasionais iha loron boot, atu bele iha uniforminalizasaun ba lala’ok atividade sira ne’ebé sei hala’o iha eventu ida.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter