Login to your account

Username *
Password *
Remember Me

Reklamante Komoro Fila-Hikas ba PN, FRETILIN ‘Ezije’ Berta Selu Lalais

Reklamante Komoro Fila-Hikas ba PN, FRETILIN ‘Ezije’ Berta Selu Lalais Foto Espesial

Tempotimor (Dili)- Dala ida tan Reklamante Suku Komoro, postu adminiatrativu Dom Aleixo munisipiu Dili fila hikas ba Parlamentu Nasional (PN) tanba semana ida ona governu seidauk halo pagamentu $200 ba subsidiu Covid-19, hafoin aprezenta keixa iha seman kotuk.

Iha semana kotuk, (14/12) reklamante hamutuk 1.400 husi suku Komoro deside tun diretamente hasoru malu ho komisaun F Parlamentu Nasional, hodi ejizi sira nia diretu $200.

Husi sorumutu ida ne'e deputadu sira mos halo kedan konfirmasaun ho parte Ministeriu Solidaridade Sosiál no Inkluzaun (MSSI) katak, sei hala'o pagamentu iha tempu badak, maibe realidade liafuan hirak ne'e hela deit ho buat mamuk ida.

Ho preokupasaun ne'e, deputadu bankada FRETILIN Dário Madeira husu ba Ministeriu Solidaridade Sosial no Inkluzaun (MSSI) atu buka solusaun ba reklamnate sira nia problema ne’e.

"Ha’u husu ba Ministériu Solidaridade Sosial ne'ebé trata asuntu ida ne'e atu buka solusun hodi hala'o pagamentu ba sira,"Dario hateten iha plenária PN, Segunda (21/12).
Molok ne'e, Portavos Simão Ximenes promete sei fila hikas ba PN bainhira laiha rezultadu nafatin.

Portavoz ne’e ko’alia tanba nia hare katak, bainhira sira mai hasoru malu ho membru PN, iha sorumutu ne’e rasik deputadu sira deside telefone direitamente ba parte Ministeriu Solidadridade Sosial, no sira mos responde katak semana ne'e nia laran sei hala'o Prosesu pagamentu subsidiu ba iha sira nia suku Komoro.

Fatin hanesan reklamante hosi Aldeia Moris Foun Suku Komoro, Marta Amaral de Jesus, hateten sira nia pozisaun mai tanba hakarak bolu nafatin atensaun ba governu atu rezolve lalais lista reklamante sira ne'ebé to'o ohin loron seidauk simu direitu subsidiu.

"Ohin ami mai husu ba komisaun sira iha Parlamentu atu bele bolu lalais ba iha governu hodi hadia lalais ami nia direitu ne'e, tanba to'o agora ami seidauk simu osan Covid-19 nian $ 200," nia esplika.(*)

Rate this item
(0 votes)
Last modified on Monday, 21 December 2020 13:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter