Print this page

Governu Seidauk Iha Politika Diak Ba Setór Turizmu Featured

Tempotimor (Dili); Timor-Leste nu'udar nasaun ne'ebé nakonu ho istória no riku-soin barak, maibé Governu rasik laiha polítika diak hodi koserva fatin turízmu hodi fó retornu ba administasaun Estadu.

Observadór polítika Universidade Nasional Timor Lorosa'e (UNTL), Camilo Ximenes Almeida hateten, nasaun Portugál ema dehan nasaun ne'ebé kiak, maibé polítika diak ikus mai ema iha retornu ne'ebé diak. Tanba ne'e, Timor-Leste nian retornu la'os depende deit ba mina-rai maibé setór seluk mós iha.

"Ita nia governu tenke estuda barak husi ema nia rai, tanba bainhira ita ba vizita ema nia rai, iha ne'ebá ema-nia fatin turizmu ruma ema hakerek nia-folin kompletu bazeia ba vizitante sira ne'ebé maka hala'o vizita ba, baihira estudante parese dolar ida ka rua, maibé ema estranjeiru ne'e to'o dolar sanolu-resin-leim ba leten, mas ita nia fatin turizmu sira ne'e ema tama sai arbiru deit", tenik nia, iha m srevisu fatin, Kaijoli, Tersa (7/5).

Nia mós husu ba governu liuhusi Ministériu Turizmu atu haree didiak no identifika fatin turizmu sira ne'e para harii ona infra-estrutura.

Bee manas Marobo ne'e governu tenke tau atensaun no kontribuisaun, hanesan mós tasi ibun sira ne'e presiza proteje no fatin sira ne'ebé uluk eroi sira subar ba ne'e para koloka ema ruma iha ne'ebá hodi vizitante sira ba tenke selu.

Nune'e, Governu labele fó fatin ba ema seluk hodi sai fali propiedade ba fatin turizmu ka fatin potensial sira. Governu mak iha kompetensia aas hodi jere fatin sira ne'e, para bele lori retornu ne'ebé diak inklui fó mós servisu ba komunidade sira ne'ebé hela besik ba fatin potensioal sira ne'e. Se lae, ema riku deit mak hetan diak, maibé komunidade sira sei atan ba nafatin.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items