Login to your account

Username *
Password *
Remember Me

Futuru TL Presija Estudante Kualidade

Ida ne'e maka Eskola Sekundária Jerál 01 Baukau nia Kondisaun agora. Kuarta (16/12). Ida ne'e maka Eskola Sekundária Jerál 01 Baukau nia Kondisaun agora. Kuarta (16/12). Foto Tempo Timor

Tempotimor (Baukau)- Prezidente Repúblika (PR) Francisco Guterres Lú Olo alerta ba estudante sira iha Eskola Sekundária Jerál (ESJ) númeru 01 Baukau katak, Timor-Leste atu buras, estudante sira tenke kualidade.

"Ha'u hakarak hato'o ba ita boot sira hotu katak Timor-Leste liuhusi dalan naruk tebes atu lori prosesu ida ne'e to'o mai ita ukun rasik aan. Oan sira ne'ebé mak barak iha ne'e, imi seidauk moris, maibé jerasaun inan-aman sira nia avó, liuhusi dalan ida terus nian no mate nian mak ohin loron ita ukun rasik aan," Xefe Estadu Francisco Guterres Lú Olo hateten ba estudante sira iha ESJ 01 Baukau, Kuarta (16/12).

Aman ba nasaun ne'e dehan, pontu prinsipál inan-aman no avo sira-nia tempu uluk mak defende povu Timor to'o mate, tanba ne'e tenke matenek atu kaer tutan ukun rasik aan ne'e ba oin.

Nia akresenta, ohin nafatin hela saida mak governu ida ne'e kaer no saida mak orgaun estadu kaer atu aposta hela nafatin kona-ba oan sira nia edukasaun.

"So ita nia oan sira nia edukasaun diak mak ita bele liberta ita nia oan sira ba aban bainrua, so ita nia oan sira nia edukasaun diak mak aban bainrua ita nia estadu no ita nia rai nee bele buras liu tan, bele diak liu tan ba sira nia moris. Se ita la matenek ita labele halo buat ida, tanba nee duni imi eskola, imi aprende husi imi nia profesór sira ne'ebé transmite valores no siénsia ba imi atu hatene diak liután," PR Lú Olo hateten ba estudante sira.

PR hatutan, edukasaun de'it mós la to'o maibé presiza kondisaun eskola nian no presiza fatin kadeira no aula nune'e estudante sira tuur ho avontade aprende no simu lisaun.

"Estudante 55 to’o 60 iha sala ida, ha'u hanoin ida ne'e ladun di'ak. Ha'u hatete kedas kondisaun ladun di'ak entaun oinsa mak estadu kria kondisaun ne'ebé mak di'ak atu labarik sira tuur iha sala nunee avontade aprende di'ak liután," PR subliña.

Xefe estadu ne’e mós konsidera, mestre no mestra sira presiza iha kondisaun hanesan meza, armáriu no materiál sira seluk atu hanorin estudante sira, maibé laiha kondisaun, entaun oinsa atu hanorin ho di'ak.

Iha fatin hanesan Diretór ESJ 01 Baukau Paul Dias Menezes kontente, tanba PR Lú Olo ho espoza bele to'o iha eskola ida ne'e.

"Ohin PR mai haree diretamente ami nia fatin, iha ne'e ami-nia edifísiu ne'ebé agora daudaun iha, hamutuk sala 13, maibé barak mak estragus ona, entaun la sufisiénte hodi akumula estudante sira, tanba estudante agora ne'e hamutuk 1.838," Diretór eskola ne'e dehan.

Nia dehan, husi tinan ba tinan estudante sira ne'e númeru barak tanba eskola ida ne'e iha sentru, entaun kada tinan estudante liu 1.700, maibé iha 2020 ne'e estudante sira iha 1.838.

"Sala la sufisiénte entaun eskola hola inisiativa no fó informasaun ba ninia diretiva loke, tanba klase paralelu iha EBC Aubaka ne'ebé oras estudante hamutuk 150," nia temi.

Nia esplika, klase loloos la sufisiénte, entaun edifisiu ba profesór sira fahe tiha atu estudante sira hodi eskola.

"Uma rezidénsia ofisiál hanesan uluk ne'e ami baku fera tiha, ida ne'e mós utiliza hotu sala de aula. Iha laboratorium uluk ninian ne'e estragu totál parte kakuluk, maibé ami utiliza hanorin ita nia oan sira," nia informa.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter