Login to your account

Username *
Password *
Remember Me

MJ ho MS Reforsa Kooperasaun ba Atendimentu Saúde Prizioneiru

Ministru Justisa (MJ), Manuel Cárceres (loos) asina hela akordu ho Ministra Saúde (MS), Odete Freitas Belo hodi haforsa akordu servisu ba tratamentu saúde prizioneiru sira nian iha prizaun laran, kuarta (16/12). Ministru Justisa (MJ), Manuel Cárceres (loos) asina hela akordu ho Ministra Saúde (MS), Odete Freitas Belo hodi haforsa akordu servisu ba tratamentu saúde prizioneiru sira nian iha prizaun laran, kuarta (16/12). Foto Tempo Timor

Tempotimor (Dili)- Ministériu Justisa (MJ) ho Ministériu Saúde (MS) hala’o akordu ida hodi haforsa kooperasaun entre parte rua hodi halo atendimentu saúde prizioneiru sira nian iha prizaun Bekora, Gleno no Suai.

Ministru Justisa (MJ), Manuel Cárceres da Costa hateten, akordu ne'ebé hala’o, atu reforsa tan de'it kooperasaun ne'ebé antes eziste tiha ona entre ministériu rua kona-ba atendimentu saúde ka servisu saúde ba maluk prizioneiru sira prizaun Bekora, Gleno ho Suai.

"Baibain sira halo hela sira nia servisu sira ne'e, maibé hanesan akordu ibun mamuk deit ne'ebé ohin fórmaliza tiha akordu ne'e para depois parte rua ne'e hatene saida mak atu halo, nia obrigasaun nee saida, ninia servisu ne'e saida", Manuel Cárceres da Costa hateten lia hirak ne’e hafóin selebra akordu ho Ministra Saúde (MS), Odete Freitas Belo iha Kaikoli, Kuarta (16/12).

Nia esplika, intensaun prinsipál husi akordu ne'ebé hala'o ho Ministra Saúde (MS), fóku liu ba prizioneiru sira iha prizaun Bekora, Gleno ho Suai, hodi halo tratamentu ba sira nia saúde bainhira hetan moras.

Nia hateten, durante ne'e liuhusi postu saúde ne'ebé estabelese ona iha prizaun Bekora, médiku sira fó ona asisténsia saude sira iha servisu loro-loron atu halo atendimentu ba prizioneiru sira ne'ebé presíja atendimentu saúde.

"Hanesan mós iha Gleno, Suai, ne'ebé ita nia maluk sira ne'ebé moras, la presíja ba Ospital, halo de'it tratamentu iha estabelesimentu prizional sira. Ba Ospital ne'e kuandu ba presíja halo X-ray ka, hasai ran ka, ou atu ba baixa. Sira ne’ebé moras baibain, inus- been, ulun fatuk moras sira ne’e, lalika lori sira ba Ospital ita nia postu atendimentu saude iha estabelesimentu prizional sira ne’e iha atu atende sira", nia dehan.

Nia hatutan, maske antes ne’e seidauk iha akordu fómal ruma, maibé kada loron médiku sira fó asisténsia saúde ba prizioneiru sira, no akordu ne'e atu formaliza de'it.

Entretantu, akordu nee rasik laiha prazu tempu, asisténsia ne'e hotu, bainhira prizioneiru ne'e sai ona husi prizaun, hotu ona no sira ne'ebé tama fali, sei nafatin fó asisténsia ba sira, tanba ne'e laiha prazu.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter