Hafoin sorrumutuk, ba jornalísta sira, SEKoop, Elizário Ferreira informa, apoiu ne'ebé USAID sei koopera maka atu haree ba dezenvolvimentu turízmu ida ne'ebé iha relasaun direta ho asuntu kooperativa nian liu-liu knaar SEKoop nian atu kontrola nia sustentábilidade.

"Kooperativa mak hala'o kooperasaun direta ho USAID, no parte SEKoop tenke hatene atu oinsá mak bele asegura sustentábilidade ne'e, kuandu aban-bainrua parte USAID hotu, konklui nia programa, oinsá mak atu bele asegura nia sustentábilidade ne'e", SEKoop Elizário Ferreira hateten hafoin sorumutu ho reprezentante USAID iha Akait, Tersa (15/12).

Nia hatetenn SEKoop labele simu kooperasaun ida neebé para deit iha dalan klaran, depois hotu, lakon mós ninia ain fatin.

"Tanba ida ne'e kooperativa ne'e hanesan katak ita tama iha tahu laran, sai husi tahu mai, husik hela tahu ne'e iha fatuk leten, para ema hatene dehan tahu mak ne'ebá, sé lae la fó rezultadu di'ak. Ida ne'e sei konsentra liu ba área turízmu no dezenvolvimentu teknolójiku liu-liu ba informasaun kooperativa nian", tenik nia.

Nia esplika, tuir loloos kooperasaun ne'e tenke liuhusi nível embaixadór sira, maibé tanba servisu ne'e rasik iha relasaun direta ba asuntu kooperativa nian, nune'e USAID hakarak koopera ho SEKoop atu haree kona-ba sustentábilidade.(*)