Login to your account

Username *
Password *
Remember Me

Cuba Propoin Seitór haat Servisu hamutuk ho SEKoop

Sorumutuk entre Sekretáriu Estadu Kooperativa (SEKoop), Elizário Ferreira ho Embaixadór Cuba iha Timor-Leste, hodi koalia kona-ba kooperasaun servisu entre parte rua iha área kooperativa nian iha furutu, iha Akait, sábadu (15/12). Sorumutuk entre Sekretáriu Estadu Kooperativa (SEKoop), Elizário Ferreira ho Embaixadór Cuba iha Timor-Leste, hodi koalia kona-ba kooperasaun servisu entre parte rua iha área kooperativa nian iha furutu, iha Akait, sábadu (15/12). Foto Midia SEKoop

Tempotimor (Dili)- Governu Cubano liuhusi nia embaixada iha Timor-Leste propoin seitór importante haat ne’ebé hakarak servisu hamutuk ho Sekretária Estadu Kooperativa (SEKoop) atu bele haree nia sustentábilidade iha futuru.

Sekretáriu Estadu Kooperativa (SEKoop), Elizário esplika, Seitór kooperativa haat ne'e maka, agro-pekuária, peskas, teknolójia no transportes públikas.

"Governu Cubano aprezenta hanoin haat hanesan baze ne'ebé kooperativa bele hola, prímeiru maka dezenvolvimentu kooperativa ne'ebé mak sira aprezenta maka dezenvolvimentu kooperativa agro pekuária", SEKoop Elizário Ferreira hateten lia hirak ne’e hafoin enkontru ho embaixadór Cuba iha Timor Leste, iha nia kna'ar fatin Akait Dili, Tersa (15/12).

Nia esplika, seitór kooperativa nia atividade maka hakiak animal sira mak hanesan, manu, karau, kuda ho seluk tan, segundu, sei haree ba turízmu, terseiru maka peskas, no ikus liu maka ba kooperativa teknolójia no transportes públikas.

"Tanba ida ne'e sira dehan ita bele koopera, hili programa sira ne'e hotu, di'ak liu tan. Sé hili ida rua mós kabe ba kompeténsia ne'ebé mak iha, tanba ida ne'e maka ami hanoin ona katak, prímeiru ne'e timor, loos duni iha dezenvolvimentu kooperativa ne'e iha, maibé ba liu área finanseira", nia esplika.

Nia hatutan, iha kooperasaun ida ne'e sei haree liu ba oinsá maka atu promove dezenvolvimentu kooperativa produsaun hodi bele eleva liu tan kapasidade timoroan sira nian oinsá mak bele haburas kooperativa produsaun hodi kontribui ba ita nia produsaun rai laran, hasa'e kampu traballu, redúz mós kiak iha rai laran hodi kontribui ba seguransa alimentár iha TL.

Elizário afirma, iha kooperasaun nee la koalia kona-ba osan, koalia oinsá mak atu koopera para aproveita ema nia matenek, dezenvolvimentu no ema nia kapasidade atu ema bele mai suporta no eduka ita.

"Normalmente osan ne'e, parte ida, maibé ita koalia oinsá mak atu bele halo, la'os de'it benefísia husi ema ne'ebé apoia ita, maibé ita mós bele investe oinsá atu bele aselera área produsaun", nia afirma.

Tuir nia, iha área produsaun, fásil ba ema atu temi, maibé susar atu servisu, tanba ne'e, presíja servisu ida maka'as no labele dependente de'it ba ema, tanba kooperativa nia motto ida katak "dependénsia ne'e aas liu, bele kria ita monu".

"Tanba ida ne'e maka apoiu sira mai ne'e, oinsá atu jere hodi asegura nia sustentábilidade ne'e iha futuru", nia hakotu.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter