FRETILIN ho CNRT Kontinua 'Sukit-Malu' Kona-ba Ukun

Momentu Membru parlamentu Nasional sobu Meza Prezidente Parlamentu Nasional iha fulan Maiu 2020 Momentu Membru parlamentu Nasional sobu Meza Prezidente Parlamentu Nasional iha fulan Maiu 2020 Foto file

Tempotimor (Dili)- Bankada Frente Revolusionáriu Timor-Leste Independente (FRETILIN) ho bankada Congresso Nacional Reconstrução Timorense (CNRT) kontinua 'sukit-malu' kona-ba forma governu ba deze segunda lejislatura husi tinan 2007 to'o oitavu governu.

Deputadu bankada FRETILIN Joaquim dos Santos 'Borluli' fakar sai CNRT nia sala kona-ba ukun ne'ebé halo iha tinan 2007 segunda lejislatura.

"2007 FRETILIN manan eleisaun, CNRT hadau ukun liu-husi negosiasaun, obriga Prezidente Republika fo poder ba CNRT klaru, Fretilin la lori ba tribunal. Oitavu governu, Taur Matan Ruak la hadau husi CNRT, maibe mai husi konsensu mai iha dalan klaran mak monu", Joaquim hateten iha intervensaun plenaria Parlamentu Nasional, Tersa (15/12).

Nia dehan, la'ós Fretilin mak hanorin CNRT uza konseitu defaktu, ne'e duni uza sala konseitu atu fo kulpa fali ba Fretilin, ne'e rasosiniu erradu.

"Ami nia argumentu klaru, oitavu governu ne'e la'os defaktu, fundamentasaun juridiku, Primeiru Ministru simu pose husi Prezidente Republika tuir konstituisaun artigu 106 numeru 1, depois de eleisaun", nia esplika.
Nia afirma, iha dalan klaran mak CNRT monu, sai husi AMP, ne'e la signifika direitu ba oitavu governu monu kedas.

"Parlamentu Nasionál seidauk aprova mosaun sensura ida ba governu ho reprova pedidu votus konfiansa husi oitavu governu. Prezidente Republika mos la aseita pedidu demisaun husi Primeiru Ministru tuir artigu 112 numeru 1 ho 2 liu-liu 112 numeru 2", nia tenik.

Tanba ne'e, nia hatutan, oitavu governu nafatin iha plenu poder tuir konstituisaun artigu 106 numeru 1, defaktu ne'e kona-ba saida.

"Entaun, linguazen ne'ebe CNRT uza bolu governu defaktu ne'e erradu atu soe fali kulpa ba Fretilin, Fretilin la hanorin buat sala ba ema, hanorin buat loos, 2017 Fretilin manan CNRT hadau de'it, agora lae, ne'ebe konseitu diferente, argumentu dehan oitavu governu defaktu ne'e, falsu", nia ko’alia.

Hafoin plenaria, bankada CNRT nu'udar partidu mais Votu iha koligasaun AMP (CNRT, KHUNTO ho PLP) ne'ebe hamonu rasik husi CNRT no partidu refere husik Ukun ba FRETILIN ne'ebe lakon iha elisaun antisipada 2018 hodi tama VIII Governu ne'e, halo kedas konferénsia imprensa ida hodi responde ba deputadu bankada Fretilin Joaquim do Santos nia deklarasaun, nune'e deputada Maria Rosa 'Bisoi' hateten, governu ne'e defaktu no Prezidente Parlamentu Nasional ne'e ilegal duni.

"Ami rezeita deputadu Joaquim nia deklarasaun, tanba CNRT uluk la hadau, la lori polisia mai hamrik iha plenaria hodi hadau hanesan foin lalais votasaun ilegalmente ne'ebe la liu-husi despaixu Prezidente Parlamentu anterior Arao Noe de Jesus, ne'e la lójika, ne'e viola lei", nia dehan.

Tanba ne'e, nia hatutan, la lójika bainhira deputadu Joaquim do Santos esklarese ba povu dehan CNRT hadau iha segunda lejislatura.

"Ami CNRT ko'alia hanesan ne'e, Primeiru Ministru kuandu rezigna nia an ona fundamenta laiha ona, segundu, orsamentu 2020 la liu ona, programa foun fali mak foin orsamentu ne'e tama, la'os hanesan agora, ne'e mak bolu ilegal, Aniceto Guteres tur iha neeba ne'e ilegal, la ho termu poder Parlamentu ba nia par lidera to'o 2023, eh governu Primeiru Ministru rezigna-an orsamentu monu laiha ona, mais sei nafatin iha aitonka ida tonka nia, ida ne'e mak ami dehan defaktu, la'os hanesan CNRT uluk iha segunda lejislatura", nia haktuir.

Deputada Bendita Magno mos argumenta, deklarasaun ne'ebe deputadu Joaquim do Santos hasai ne'e, la tuir konstituisaun.

"Ida ne'e mak ami halo reasaun hasoru deklarasaun ne'e rasik", nia dehan.

Sorin seluk deputadu CNRT, Patrocino Fernandes husu deputadu Fretilin Joaquim do Santos atu lee konstituisaun artigu 86 alina f no artigu 106 hodi komprende didiak.

"Sira nia apresiasaun ne'e auto kritiku ba Fretilin rasik no serve de'it ba militante Fretilin ninian, la serve ba bankada CNRT", deputadu ne’e hateten.(*)

Rate this item
(1 Vote)
Last modified on Tuesday, 15 December 2020 17:35
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks