"Ita simu Nobel da Pas, liuhusi Bispu Carlo Filipe Ximenes Belo no José Ramos Horta, tanba mós ita nia povu halo rezisténsia iha ita nia-rain, nomós tanba polítika ne'ebé ita hala'o iha tempu funu", José Luis Guterres hateten lia hirak ne’e iha Salaun Igreja Katedrál, Sábadu (14/12).
Nia dehan, timoroan sira hotu elojia funsaun pasífika, no negosiasoens, atu rezolve situasaun preokupasaun iha rai ne’e kona-ba direitus umanus.
Lugu konsidera Igreja Katólika, dezde inísiu kedas iha preokupasaun ba prosesu luta ba ukun aan TL, no la haluha katak, bainhira timoroan sira halo funu, Igreja Katólika mós tama iha situasaun ida ne'e.
"Igreja akompaña mós ho laran todan, bainhira Indonézia invade ita, maibé depois enkontru ne'ebé Amu Martinho ho Maun Xanana halo iha Mehara ne'ebá, ikus mai hatudu impaktu di'ak no boot tebes ba povu no ita nia rain", dehan nia.
Nia apela ba joven timoroan sira atu iha responsábilidade hodi kontinua nafatin ba oin luta ne'ebé lider sira, aman-inan sira halo iha luta ba libertasaun nasionál.(*)