Francisco David Xavier ko’alia lia hirak ne'e ba www.tempotimor.com iha Parlamentu Nasionál Dili, Segunda (14/12).

"Laiha dúvidas, UDT nia esperansa ne'e bo'ot tebes katak, ezekusaun to’o iha povu no povu hotu sei senti," Francisco hateten.

Deputadu UDT ne'e salienta, daudaun ne'e Timor-Leste iha faze rekoperasaun ekonomia no kada tinan kustus ba sasan kontinua sa’e, nune'e OJE 2021 bo'ot la’ós kestaun, maibé importante mak kualidade governasaun atu ezekuta ho diak.

"Orsamentu ezekuta bazeia ba programa ne'e buat ida ne'ebé kapas. Parte seluk mak kaer fali governu halo tuir deit ona, ne'e modelu ne'ebé kapas no ha’u fiar ho modelu hanesan ne'e povu sei senti osan estadu ne'e ba duni povu," Francisco subliña.

Entertantu Bankda UDT rasik partisipa durante debate no apoia totál OJE 2021 ne'ebé realiza iha Parlamentu Nasionál durante loron 10.(*)