Tuir PM Taur, partidu politiku hotu bele iha diferensia ideia, maibe auzensia fali ba debate Orsamentu Jeral Estadu (OJE) ne'e la loos.

"Hau lamenta ho auzensia partidu CNRT ninian durante ne'e, tanba iha politika diferensia, maibe diferensia ida ne'e labele halo parke ita retira apoiu ba dezenvolvimentu nasaun nian", dehan PM Taur hafoin aprovasaun OJE final global iha Parlamentu Nasional, sabdu (12/12).

Maske desizaun sira nian rasik, maibe governu hakarak husu nafatin kontribuisaun ba dezenvolvimentu nasaun nian.

"Ho diferensia ida de'it mak iha, importante ita hotu hamutuk par reuni forsa no kbit hodi dezenvolve ita nia rain, liu-liu iha momentu sira krizi ne'ebe hanesan ne'e, tenke hamutuk", dehan PM Taur. (*)