Olinda “foti nia-an” nu’udár segundu jenerál ne’e iha diskusaun espesialidade OJE 2021 iha Parlamentu Nasionál, Sesta (11/12).
"Uluk kedan ema tau lia ba ha’u atu halo monu. Mais ami iha komandu, primeiru no segundu komandu. Primeiru komandu mak Jenerál Taur ne’ebé tur iha leten ne'ebá, ne'e jenerál ami KHUNTO nian. Segundu Komandu jenerál mak ha’u," Olinda deklara iha sala plenária.
Deputada ne’e mós enkoraza membru governu sira atu lalika preokupa ho komentáriu públiku relasiona ho kapasidade ezekusaun orsamentu.
Tanba ne’e nia mós alerta ba membru governu sira labele joga karta no jogu manu-futu.
"Ministru sira labele hanoin Futu-Manu, labele hanoin joga, ema kuandu hatun, minimiza oinsa mak dudu ita nia governante ne'e ba oin," nia dehan. (*)