Print this page

Departamentu KS Komemora Loron Liberdade Imprensa Ho Misa no Kari Ai-funan Featured

Tempotimor (Dili); Departementu Komunikasaun Sosiál, Fakuldade Siénsia Sosiál, Universidade Nasional Timor Lorosa'e (UNTL), komemora loron Liberdade Imprense liuhusi atividade misa no no kari ai-funan iha tasi ibun Palásiu Governu oin.

"Liberdade imprensa ha'u hanoin ita goza tebes liberdade imprensa ne'e, maibé problema boot ba ita mak, ita-nia kondisaun la fó apoiu ba jornalista sira hanesan infraestrutura, fundu finanseiru", dehan Diretór Departementu Komunikasaun Sosiál UNTL, Marcelino Ximenes Magno, iha Palásiu Governu oin, Sesta (03/05).

Iha mundu tomak buat jornalista ne'e ema la hanoin oinsa moris lor-loron nian tanba iha suporta maka'as tebes ba sira, hodi espresa sira nia ne'e, maibe iha Timor kondisaun ida ne'e sei menus tebes ba jornalista sira no sira sei simu saláriu báziku.

Nia hatutan, tempu ona para governu apoiu ba média sira liuhusi Sekretáriu Estadu Komunikasaun Sosiál (SECOMS) maske iha mandatu Sekretáriu Estadu Komunikasaun Sosial, Nelio Isaac Sarmento, apoiu ona subsídiu maibé sei mínimu tebes. Nune'e espera iha tinan oin mai bele diak liu situasaun anteriór.

Entretantu, Estudante Nelia Manuela da Costa Freitas, sente orgullu tanba bele partisipa iha komemorasaun ne'e inklui hola pozisaun hanesan estudante ne'ebé estuda kona-ba prosesu jornalista nian, entaun loron ohin ne'e importante tebes atu hanoin ba jornalista sira ne'e uluk fó nia aan hodi luta ba liberdade imprensa ne'e.

"Ohin ami komemora loron liberdade imprensa ne'e liuhusi atvidade semináriu ne'e horseik ami realiza ho nia tema promove no valoriza loron liberdade imprensa, no ohin ami halo long mars husi kampus to'o mai Palásiu Governu nian oin hodi kari ai-funan iha tasi laran", dehan nia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items