Deputada bankada FRETILIN Maria Angelica Rangel konsidera deputadu sira husi bankada Fretilin, PD, PLP, KHUNTO, halo violasaun ba giaun inklui rejimentu, atu halo intervensaun iha debate OJE 2021.
Deputada Rangel ko’alia ne'e tanba nia hare katak, regara sira ne’ebé hakerek iha giaun 4.6 hateten katak, debate espesialidade OJE 2021 ne'e, bankada ida ninia deputadu ida deit mak halo intervensaun maibé konfuzaun boot tanba bankada ida, deputadu na’in rua mak ko’alia.
Atu evita ida ne'e nia husu ba deputadu bankada governu nian atu lee didiak giaun 4.6, nune'e labele iha violasaun no deskriminasun durante debate OJE.
"Ha’u hakarak fó hanoin ba deputadu sira, lee 4.6, ha’u lakoi kritika ema seluk deit, mas iha ami nia bankada rasik mós halo ida ne'e, deputadu na’in ida ko’alia tiha na’in ida ko’alia tan, ne'e viola tiha ona 4.6 ne'e," nia hateten liu husi debate espesialidade proposta orsamentu jerl estadu (OJE) 2021, Iha plenaria PN, Kinta (10/12).
Tuir observasaun www.tempotimor.com iha terenu nota katak durante debate OJE 2021 iha loron kinta (10/12), deputadu na’in 21 husi partidu CNRT desidi la marka prezensa. (*)