Print this page

Prezidente Repúblika Lú Olo “Hakarak” Vizita Vatikanu

By December 09, 2020 1749
Prezidente Republika Dr. Francisco Guterres Lu Olo Prezidente Republika Dr. Francisco Guterres Lu Olo Foto Arkivu

Tempotimor (Dili)- Prezidente Repúblika (PR) Francisco Guterres Lú Olo “hakarak”, ba vizita Vatikanu tanba hakarak hasoru-malu ho Santu Papa Francisco ne’ebé nia admira.

Xefe estadu hakarak ba Vatikanu molok nia mandatu remata tanba iha tinan kotuk Prezidente Repúblika iha intensaun atu halo vizita ofisiál ba Vatikanu no hasoru malu mós ho Amu Papa Francisco! Infelizmente, tanba razaun polítika, no viajen ne’e la konsege realiza.

Aman nasaun Lú Olo hato’o asuntu ne’e ne’e liuhusi diskursu selebrasaun aniversáriu dioseze Dili agora hanesan arkedioseze, ba dala ualu nulu (80), ne’ebé Xefe Kaza Sivíl, Francisco Maria de Vasconselhos, mak lee iha Igreja Nossa Senhora Imaculada da Conceição Katedral Villa Verde, (08/12).

“Ha’u hein katak, iha ha’u-nia mandatu, ha’u bele vizita Vatikanu no hasoru-malu ho Amu Papa Francisco, ne’ebé ha’u admira”, PR Lú Olo hateten.

Prezidente Repúblika mós konvida ona Amu Papa Francisco atu vizita Timor-Leste, no hein katak ida ne’e sei akontese iha tempu badak.

Durante impase politika hahú husi 2017 to’o 2018 no 2019 Parlamentu Nasionál (PN) kansela viajen Prezidente Repúblika (PR) Francisco Guterres Lú Olo ba Amérika, Portugál, Indonézia, no mós ba Vatikanu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items