MAPKOMS Francisco Jerónimo hato'o asuntu ne'e hafoin hasoru malu ho Autoridade suku Dato-Tolu João Agustinho "Resik" no autoridade suku Lisadila Fernando Lobo iha Palasiu governu, Kuarta (9/12).
Francisco hateten, ahi eletrisidade ne'ebé seidauk liga ba iha suku dato-tolu, ida ne'e nia ko’alia no MOP no MOP rasik mós desidi ona.
"Ha’u ko’alia ona ho MOP kona-ba ita boot sira nia ahi, nia hare ona dehan se tinan ida ne'e seidauk tama entaun tinan oin, se tinan 2021 la'o seidauk tama entaun tinan 2022, maibé ha’u hateten tiha ona ba nia atu hare," Francisco hateten.
Nia rekoñese suku dato-tolu daudaun ne’e seidauk asesu ba eletrisidade no presiza tebes MOP tenke ezekuta ida ne'e. (*)
