Print this page

PN Rekoñese Presija Reforsa Rekursu KAK

By December 09, 2020 941

Tempotimor (Dili) - Deputadu iha Parlamentu Nasionál (PN) rekoñese katak, presija reforsa duni Komisaun Anti Korupsaun (KAK) hanesan finanseira no rekursu umanu, nune'e bainhira implenta Lei númeru 7/2020 bele atinji politika kombate korrupsaun iha Timor-Leste (TL).

Liu husi debate espesialidade ba Orsamentu Jeral Estadu (OJE) tinan 2021, Deputadu PLP, Francisco de Vasconcelos hateten, kuandu hakarak kombate korrupsaun, presija responsáblidade PN, Governu no entidade hotu liuliu iha rekursu umanu no finanseira.

"Ita presija rekursu finanseiru no rekursu Umanu, rua ne'e tenke la’o hanesan," deputadu Vasconcelos hateten iha Parlamentu Nasionál Dili, Kuarta (09/12).

Vasconcelos hatutan, KAK presija rekursu umanu hanesan asesor, investigador, tekniku profesional ne'ebé kualidade no sensibilizasaun inklui seminar.

"Marsu kuandu lei ne'e intrada em vigor ona, ne'e KAK tenki halo exersísiu makas, mak nia bele atinzi se lae Lei ne'e mos hela naran deit," Vasconcelos hateten.

Iha fatin hanesan, Prezidenti GOPAC, atual deputadu bankada Fretilin, Francisco Branco mos akresenta, atu implenta lei Prevensaun Medidas Kombate Korupsaun, presija reforsa kapasidade KAK nian.

Tuir Branco bainhira la reforsa, iha implementasaun KAK sei hetan problema tanba la’os deit rekursu finanseiru maibe rekursu umanu mos presija ba asesor sira ne'ebé espelizadu no materia.

"Se ita husik deit hanesan ne'e sein apoiu finanseiru atu KAK rekruta espesialista iha area ida ne'e nian, ita infrakesa politika ida ne'e mos," Branco dehan.

Entertantu tuir livru 2 Orsamentu Jeral Estadu 2021 total orsamentu ne'ebé aloka ba KAK hamutuk $ 1.783.860 ne'ebé aloka ba Saláriu bensimentu $937.966, bens servisu $635.019, kapital minor $ 210.875, Kapital dezenvolvementu no transferensia publika laiha.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items