PM Informa PR Timor-Leste Impresta Osan dada kadoras Greater Sun Rise Featured

Primeiru Ministru (PM), Taur Matan Ruak, promete sei impresta osan bainhira atu financia konstrusaun kadoras dada mina husi kampu Greater sun Rise mai iha Timor-Leste, tanba Governu labele foti osan husi Fundu Petrolíferu.

Maske PM Taur Matan Ruak la esplika detallu ba media hafoin enkontru ho PR Lu Olo kona ba nasaun ka ajensia finanseiru sira nebe maka Timor- Leste atu impresta sira nia osan. Maibe tuir fontes balun nebe besik liu ba governu dehan Timor Leste nia líder sira iha relasaun Diak liu ho Xina.

“Ha’u ohin informa ba prezidenti katak governu ninia esforsu halo konkei ita labele foti osan husi Fundu Petroliferu ba kadoras nian, bele foti iha fatin seluk prozemplu kazu agora 930 milloins ba portu ne’e la foti fundu,” promote PM Taur Matan Ruak hafoin enkontru seminal ho Xefe Estadu, Francisco Guterres Lú Olo, Kinta-feira nee.

Primeiru Ministru VIII Governu Konstitusional nee esplika, “Ita foti iha fatin seluk ita sei selu ho projeitu fán mina, ita selu fali, impresta husi empreza Estatal ita nian Timor Gap ne’ebe vokasionadu para lidera negosiu ida ne’e ho kompañia sira seluk-seluk ne’ebe ita joint ho sira,” .

Antes ne’e, Prezidenti Republika Francisco Guterres Lú Olo aprezenta katak nia preokupa ho osan atu dada kadoras mina mai Timor Leste, tanba atu fontes ba fundus konstrusaun refere tan ba osan fundu mina rai hela deit 15 billoins dolar amerikanu. Nune’e foti bebeik impaktu ba labarik kikuan sira, ida ne’e mak presiza ita tenke hanoin.

Timor-Leste sosa ona participasaun ba projeitu kampo Greater Sunrise ho total 56.56% no governu transfere ona US$ 650 ba kompañia ConocoPhilips ho Shell Enerjy iha meuadus fulan Abril iha Singapura.

Rate this item
(0 votes)
Last modified on Sunday, 05 May 2019 11:41
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com