Ministru Francisco Jeronimo haktuir, oras ne’e daudaun sira deteta ona populasaun ne’ebé durante ne'e la asesu informasaun mak kuaze sa'e 52 % maibé populasaun ne’ebé kada loron sempre asesu informasaun ne'e mak ninian tun ba 48 % de’it.

"Foin dadaun iha 2020 iha fulan setembru, ami iha ona peskiza kona-ba, asesu informasaun iha timor-leste tomak, Liu-liu ba informasaun liuhusi radio televizaun timor-leste, ami hetan katak timor tomak foin asesu ba 48 pursentu, sei falta 52 pursentu ne’ebé mak seidauk asesu ba informasaun," nia hateten ba www.tempotimor.com iha PN, Sabadu (5/12).

Atu solusiona ida ne'e, nia dehan, dadauk ne’e Ministeriu iha ona ninia programa, sei esforsu monta torre nune'e bele fasil ba sira atu asesu informasaun.

Nia mós fiar iha tinan 2023 ba oin la'os 48 pursentu de'it mak asesu informasun maibé pelu menus liu husi esforsu hari tore ida ne'e sei aumenta ba 70 pursentu atu asesu ba informasaun. (*)