Deputada Olinda hato'o ezijensia ne'e liga ho komentariu deputadu Partidu Demokratiku ho deputada Fretilin nian ne'ebé kontinua ezije governu atu esplika kle’an kona-ba pozisaun ba estrutura orsamentu kada referensia ba tabela no anexu sira ne'ebé tau iha proposta OJE 2021.

Nia haktuir, kona-ba proposta deputadu sira nian ne'ebé sita iha ne'eba dehan atu aumenta referénsia iha tabela segundu, ida ne'e governu aseita ona.

Tanba ne'e nia husu atu meza lalika preokupa atu fó tempu ba deputadu sira hodi ko’alia repete ba mai, maibe diak liu prosede ba votasauna deit ona.

"Prezidente karik ha’u la sala, rona dehan governu ohin simu tiha ona, nusa ita labele prosede ba votasaun, agora ita mak iha ne'e kun-kan-kun-kan," nia deklara liu husi ninia intervensaun 1 minitu iha debate espesialidade OJE 2021 iha Plenaria PN, Sesta (5/12). (*)