Governante ne’e hato’o kestaun ne’e hodi responde ba informasaun ne'ebé kestiona sasan Cesta Bázika, folin la to'o $25.
Nia dehan, kuandu iha ezekusaun programa cesta bázika mak ekipa monitorizasaun sira deteta sasan iha bote folin la to'o $25 maka, governu sei foti medidas atu hadi'a.
"Ida ne'e, tuir informasaun ne'ebé sira hato'o katak, to'o. Maibé, ita kontinua fiar ba iha ekipa monitorizasaun ho orgaun fiskalizador sira, atu bele hetan, se karik iha duni sasan ne'ebe la to'o, governu tenke foti medida atu sira bele hadi'a", MKAE Joaquim Amaral hateten liu-husi konferensia imprensa iha lansamentu ba programa cesta bazika iha CCD, Sesta (04/12).
Nia dehan, servisu hotu hala'o sempre iha naksala foin hadi'a, tanba laiha ida perfeitu. (*)