Afonso Cortereal nu'udár uma na'in, hateten, nia bolu polisia mai atu hare sasan balun ne'ebé Jamil Fahad husi Pakistaun halo iha uma ne'ebé nia aluga, maibé realidade polisia mai simu fali subornu balun.
"Kazu iha tribunál ona, sobre subornu ema husi Pakistaun ne'e fó loos sasan ba polisia mane ida ne’ebé mai atu hare tanki ne'ebé iha uma andar leten. Polisia ne'e ladun ajuda ha’u didiak, entaun ha’u ho ha’u nia kaben ses tiha", nia dehan.
Uma na’in ne’e hatutan, aktu ne'e, autoridade hatene hela no nia espera katak, autoridade bele haree saida mak legalidade husi buat ne’ebé sira halo.
"Ema ne’e ba hola sasan fó tiha saka ida ba polisia depois polisia ba tiha deit, buat sira ne'e autoridade sira hatene", nia tenik.
Konna-ba kontratu, nia esplika, iha kontratu rua, ida krimi ativu no pasivu, ema na’in rua ne'e tenke hamutuk.
"Agora ida ativa ne'e, ema husi rai seluk mai atu halo foer ita nia ema iha ne'e, sira tenke toma konta ho buat ne'e lalais, maibé sira la'o nei-neik demais. Entaun, ha’u husu ba nai boot sira iha liur ne’eba, ha’u besik sira balun ha’u laiha tan pasiénsia atu augenta ona. Polisia mak tenke halo ida ne'e", nia espresa.
Entretantu, dokumentu hotu kona-ba uma ne’e iha hotu uma na’in Afonso Cortereal no rai ne’e dokumentus kompletu hela.
"Ha’u nia tian rasik horseik dader ko'alia mai ami tanis, ami tenke hasai, eh polisia duni halo ha’u nia laran la augenta ona, ha’u tenke hasai", nia salienta. (*)