Ho situasaun ne’e Veteranu no atual Deputadu bankada Partidu Libertasaun Popular (PLP) Cornelio Gama L7 "hirus" no husu meza Parlamentu Nasionál atu halo autu kritika.

Nia hateten, meza tenke fó alarma nafatin, kuandu deputadu ida mak liu oras, no liu minitu 5 tenke halo auto kritiku ba sira.

"liu 9 oras feixa porta, Liu 5 minutu tenke halo auto kritika,"L7 dehan hafoin Partisipa diskusaun espesialidade OJE 2021 iha plenaria PN, Sesta (5/12).

Nia hatutan, veteranu uluk luta iha tinan 24 maski kolen mas sira nafatin kumpre oras, agora sira ne'ebe mai manan osan de'it, husik kadeira mamuk.

Ne'e duni, nia parte la konkorda, tanba kadeira mamuk hanesan ne'e oinsa atu debate orsamentu jeral estadu 2021.

"ami uluk iha ailaran komandante Maun Xanana ho Taur dehan hanesan ne'e, Ultima hora to'o ikus mai abrigu prontu inimigu sei tiru mate", nia konta tuir. (*)

Hatan ba kestaun ne'e prezidente parlamentu nasional Aniceto Guteres afirma, kestaun kona-ba kadeira mamuk ida ne'e nia entrega hikas ba deputadu idaidak mak bele responsabiliza hodi hatan perguntas husi deputadu nian.

"Kadeira mamuk iha parte ida nene, ne'e husu ba deputadu idaidak, mak sei hatan," (*)