Aseitasaun ne'e PN desidi liu husi diskusaun no votasaun nominal ba pedidu deklarasaun EE da-ualu ho votus afavor 46 abstesaun 3 no deputadu auzente hamutuk na’in 16.
Hafoin aprovasaun, Prezidente Parlamentu Nasionál Aniceto Guteres fiar katak governu sei ezekuta ho diak kona-ba desizaun PN hodi autoriza xefi estadu dekreta estadu emerjensia da-ualu iha TL.
"Ho nune'e pedidu estensun estadu emerjensia da-ualu nian pasa," Aniceto deklara hafoin taka sensaun plenaria iha PN.
Enkuantu Iha pedidu Prezidente republika katak Deklasun estadu emerjensia da-ualu nian sei hahú hosi tuku 00:00 loron 04 dezembru 2020 (kinta) no termina iha tuku 23:59 loron 02 janeiru 2021 ho nune'e parsialmente seu suspende diretu balun tuir mai ne’e:
Dahuluk, sirkulasaun internasionál sei estabelese kontrolu sanitáriu iha portu, aeroportu no postu fronteira terrestre, atu impede moras tama mai territóriu nasionál ka kondisiona observánsia kondisaun nesesáriu hodi evita risku propagasaun epidemia ne’e, nune’e mós toma medida nesesária asegura sirkulasaun internasionál ba sasán no servisu esensiál sira.
Daruak, liberdade sirkulasaun, fixasaun rezidénsia ba kualkér pontu iha territóriu nasionál ne’ebé sei lidera hosi autoridade públika sira hodi bele redús risku kontájiu no ezekuta medida prevensaun no kombate epidemia, inklui konfinamentu kompulsivu domisiliáriu no impozisaun saniáriu sira. (*)
