Sekretariu Estadu Formasaun Profisionál no Empregu (SEFOPE) Alarico do Rosário informa, traballadór ida nia la’en rasik mak kansela atu labele ba servisu iha Austrália, la'ós SEFOPE mak kansela.

"Traballadór haruka ba Austrália totál na'in 162, bainhira sa'e aviaun 156 mak ba, ho razaun na'in 6 kanseladu, presiza hatene na'in ida problema entre familia fen ho laen, nia laen mak la hatan nia fen atu ba", SEFOPE dehan iha nia knaar fatin Kaikoli, Kinta (03/12).

Nia dehan, traballadór ne'ebé la’en la autoriza atu ba servisu iha Austrália ne'e, la'ós foun, maibé ba beibeik ona.

"Ba beibeik ona fila mai, agora laen la hatan entaun nia la ba", nia informa.

Ho situasaun ne’e maka SEFOPE mós deside hodi kansela, tanba presiza respeita mós direitu ema nian, bainhira ninia laen rasik mak la hatan no husu atu kansela. (*)