SEFOPE Kansela Traballadór Na'in Neen Tanba Sistema Aviaun no Sáude

SEFOPE Alarico do Rosário hamutuk nia dirijente sira halo esplikasaun ba Jornalista sira (3/12) SEFOPE Alarico do Rosário hamutuk nia dirijente sira halo esplikasaun ba Jornalista sira (3/12) Foto Tempo Timor

Tempotimor (Dili)- Sekretáriu Estadu Formasaun Profisionál no Empregu (SEFOPE) halo klarifikasaun kona-ba razaun loloos ne'ebé halo kanselamentu ba traballadór na'in neen la konsege ba Austrália iha loron Kuarta (02/12/20), tanba Sistema aviaun nian no mós rezultadu teste médiku.

SEFOPE Alarico do Rosário esplika, na'in neen la konsege ba servisu iha Austrália, tanba na'in tolu rezultadu teste mak la hatan sira ba no na'in tolu seluk sistema iha aviaun laran mak la simu sira nia pasaporte.

"Na'in tolu rezultadu teste médiku husi Austrália mai iha horbainrua loraik (01/12), rezultadu teste médiku ne'e mak la hatan sira ba, la'ós ita mak la hatan", nia esklarese.

Alarico esplika liu tan, SEFOPE prontu fasilita atu trata traballadór na'in 162 ne'e ba hotu, maibé rezultadu teste médiku mak la hatan ba, tanba teste saúde ne'e regras husi Austrália, la'ós Timor-Leste mak halo teste.

"Buat ida moras ne'e, labele dun fali mai SEFOPE, tanba moras ne'e iha kandidatu traballadór sira nia liman rasik, se kuidadu an diak, kuandu teste médiku loos sira ba, se ba mak ema dehan hetan moras nia labele ba, ita labele fó sala fali mai governu", nia argumenta.

Nia hatutan, prosesu teste médiku la'ós naran ba teste de'it la’e, maibé kontratu mai ona husi Austrália mak ba halo teste, kundu saúde diak bele ba no saúde la diak nia labele ba.

"Sira ne'e liu kleur tiha ona naran tama sistema ita haruka tiha ba ajénsia hili kontratu mai, agora kontratu mai atu arranka sai husi ne'e mak, tenke ba teste médiku, ita la hatene departamentu ida kona-ba teste iha Austrália mak bele deskobre depois fo fali rezultadu mai", nia esplika.

Nune'e mos, na'in tolu seluk kansela, tanba sistema iha aviaun laran mak la simu sira nia naran.

"Na'in tolu hetan problema iha aviaun laran, husi ajénsia, la'ós ita mak la hatan ba, buat hotu kompletu sa'e tiha ba aviaun dehan sistema mak la akapta nia naran", Alarico esplika.

Iha sorin seluk Diretór Jerál SEFOPE, Paul Alves fundamenta, parte SEFOPE tenta duni fó razaun par hasa'e traballadór na'in tolu ne'e, maibé sistema aviaun mak la simu duni, ne'ebé labele obriga, tanba ne'e regras aviaun nian.

Maske kansela ona traballador na'in neen, maibé SEFOPE promete sei la taka dalan ba sira atu servisu iha Austrália. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks