Print this page

Governu "Abandona" Ejizénsia PR Lú Olo ba Produsaun Lei Prevensaun Estensaun EE

By December 03, 2020 2190
Plenaria Parlamentu Nasional Plenaria Parlamentu Nasional Foto File

Tempotimor (Dili)-Maiske iha periudu estadu emerjensia dahat liu-bá, Prezidente Repúblika (PR) Francisco Guterres Lú Olo fo ona "alarma" ba governu daualu atu halo lei propriu nune'e prevene labele iha tan estadu emerjénsia, maibé realidade governu kontinua husu estensaun EE.

Hare husi realidade hirak ne'e, bele dehan katak, estensun Estadu Emerjénsia (EE) daudaun sai ona kultura ba governu da-ualu, tanba hafoin estensaun EE periodu da-hitu nian daudaun besik remata ona no governu aprova tan pedidu estensaun EE da-ualu no haruka ona ba PR Lú Olo hodi bele husu tan autorizasun ba PN.

Bazeia ba pedidu ne’e, iha semana kotuk PR Lú Olo konvoka ona enkontru Konsellu Superiór Defeza no Seguransa (KSDS) no Konsellu Estadu (KE) hodi diskute estensaun EE.

Nune'e ohin kinta (3/12) prezidente Parlamentu Nasionál Aniceto Guteres desidi konvoka tan plenária hodi halo aprovasun ba pedidu estensaun EE ne'ebé aprezenta husi PR Lú Olo.

Molok debate plenária, Aniceto afirma, medida ba EE da-ualu ne'ebé governu husu ne'e hanesan de'it ho medida sira ne'ebé implementa ona iha EE da-hitu, maibé sei restritu liu tan iha fronteira par ema labele tama-sai.

"Ohin ita iha ajenda debate pedidu husi Prezidente Repúblika kona-ba renovasun Estadu Emerjénsia da-ualu,"Prezidente Parlamentu Nasionál deklara, hafoin loke debate iha plenária PN, Kinta (3/12).

Iha fatin hanesan prezidente bankada CNRT Duarte Nunes husu ba governu atu hare mantein medida hirak ne'ebé iha, liu-liu asegura seguransa iha fronteira maritima, liu-liu rezolve subsidiu sira ne'ebé oras ne'e kontinua sai polémika iha públiku.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items