Login to your account

Username *
Password *
Remember Me

CNRT Mantein “Lakohi” Rekoñese Governu Viabilizadu

Deputadu Parlamentu Nasional husi Bankada CNRT, Patrocino Fernandes Deputadu Parlamentu Nasional husi Bankada CNRT, Patrocino Fernandes Foto Suplai

Tempotimor (Dili)- Bankada opozisaun Congresso Nacionál Reconstrução Timorense (CNRT) iha Parlamentu Nasionál (PN) deklara ninia pozisaun hodi mantein lakohi rekonese Governu Viabilizadu ne’ebé lidera husi Taur Matan Ruak.

Deputadu bankada CNRT Patrocino Fernandes deklara katak, bazeia ba konstituisaun, loloos ne’e governu daualu labele eziste ona, hahú kedan bainhira Primeiru Ministru Taur Matan Ruak hato'o ninia karta demisaun ba Prezidente Republika.

Nune’e, nia hatutan, CNRT desidi sei la rekoñese VIII Governu viabilizadu ida ne’e, tanba ho razaun VIII Governu la eziste ona no laiha fatin atu aprezenta proposta OJE 2020 no 2021.

Pozisaun CNRT, Patrocino dehan, ida ne'e la'ós foin mosu maibé ida ne'e hatudu antes ona iha debate OJE 2020 liubá.

"Bankada CNRT seidauk rekoiñese tanba, ba ami governu daualu ida ne'e la eziste ona," nia dehan.

Maske nune’e, bankada CNRT hili dalan hanesan reprezentante Povu atu garante utilizasaun osan públiku nian tuir lei, no deputadu sira husi CNRT konsiente ba responsabilidade tomak hodi ativamente kontribui ba iha prosesu audiénsia to’o iha debate iha sesaun jeneralidade ida ne’e.

Nia halo Komparasaun ho OJE 2020 nian, Proposta OJE 2021 ida ne’e sa’e 27%, iha aumentu miliaun $406.

“Aumenta osan la reflete ho kapasidade ezekusaun Governu nian, tanba atu remata tinan fiskál (loron 30 fulan-Novembru tinan 2020) Governu foin ezekuta OJE 2020 hamutuk 61.4%, osan ne’ebé la ezekuta hamutuk Miliaun $479,4 ne’ebé sei transita ba iha OJE 2021”, nia haktuir.

Tanba ne’e nia konsidera Governu sei rai osan barak iha tezouro ne’ebé nia jurus sei laiha kompara ho osan iha Fundo Petrolífero ne’ebé sei fó funan to’o 3%.

Bancada CNRT mos lembra istória kapasidade ezekusaun maka billaun $1.2 to’o billaun $1.4 ne’ebé Senáriu ida ne’e mak prudenti liu no bele proteze fundu rezerva ba iha sustentabilidade fiskál. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter