Login to your account

Username *
Password *
Remember Me

SEFOPE Haksolok, Aban Timoroan 162 ba Servisu iha To'os Austrália

Tempotimor (Dili)-Maske Timor-Leste hamriik hanesan nasaun ida ne'ebé iha nia seitór agrikola boot, maibé tanba laiha polítika di'ak hodi diversifika seitór agrikultura, maka governu tabele liután ba nasaun seluk hodi haruka timoroan sira ba servisu iha to'os Australia no seluk tan.

Sekretáriu Estadu Formasaun Profesionál no Empregu (SEFOPE) Alarico do Rosário hateten, durante fulan barak timoroan la hetan oportunidade hodi ba Australia, maibé ohin loron haksolok ba Timor-Leste, tanba liuhusi servisu hamutuk entre governu Timor-Leste ho Australia, maka ohin timoroan na'in 162 ba servisu iha Australia liuhusi Seasonál Workers Program (SWP).

"Loron ida ne'e haksolok tebes, tanba ita-nia governu servisu ho governu Australia hodi ba loke ona dalan para ita-nia oan sira ba servisu iha rai Australia," Alarico do Rosário hateten iha Salaun Delta Nova, Tersa (01/12).

Governante ne'e mós dehan, traballadór timoroan sira ne'ebé aban dezloka ba Australia ne'e la'ós Timor mak halo selesaun, maibé lista hotu haruka ba Australia mak halo selesaun.

"Sira husi munisípiu 12 inklui RAEOA, entaun sira aban atu ba ne'e sei servisu iha área agrikola nian," nia hateten.

Nia mós husu timoroan sira ne'ebé atu dezloka ba Australia atu sai Timoroan oan ne'ebé reprezenta nia nasaun no hamorin Timor nia naran iha ema rain.

Iha fatin hanesan Traballadór João Junior Amaral husi munisípiu Vikeke agradese ba governu TL no Australia, tanba bele hetan oportunidade hodi ba servisu iha Australia.

"Aban ami sei arranka ba Australia, tanba ami nia kontratu fulan neen, entaun ami sei servisu ho másimu atu labele fó impaktu belun sira ne'ebé agora prepara hela atu ba, entaun husu ba sira prepara didi'ak saúde, fíziku no seluk tan, atu nune'e bele hetan oportunidade ba servisu iha rai liur hodi ajuda nasaun no familia," nia tenik.

Entretantu, traballadór 162 ne'e kompostu husi mane 103 no feto 59 ne'ebé sei ba servisu iha Australia parte Tasmania nian durante fulan neen.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter