Deskonfia Seguransa Fasilita Naimori Para Karreta iha Fatin Polémika ho Alex "Samurai"

Kareta ho numeru Matrikula 17.094 seguransa sira husik tama para iha resintu PN Kareta ho numeru Matrikula 17.094 seguransa sira husik tama para iha resintu PN Foto Tempo Timor

Tempotimor (Dili)- Deskonfia Seguransa fasilita konselleiru masimu partidu Klibur Haburas Unidade Timor Oan (KHUNTO) Jose do Santos Naimori 'Bukar' para iha “parkiran” ne'ebé antes ne'e hamosu dezentendimentu entre deputadu Fretilin David Dias Ximenes Mandati ho eis-komadante seguransa Parlamentu Nasional Alexandrino da Costa Samurai.

Fontes ne'ebe husu labele publika naran dehan ba tempotimor, karreta uluk para iha fatin ne'e mak mosu dezentendimentu hodi muda tiha komadante Alexandrino da Costa Samurai husi seguransa PN, maibe horiseik loraik maizoumenus tuku 4 loraik Naimori nia kareta mai para fali iha ne'e, seguransa la sibuk.

"Naimori nia kareta para iha laran, ministru nia kareta para fali iha liur, uluk hanesan ne'e mak mosu problema, agora Naimori nia kareta para fali seguransa la sibuk", dehan fontes ne'e ba tempotimor iha resintu Parlamentu Nasional, Tersa (01/12).

Nia dehan, Konsileiru masimu partidu KHUNTO Jose do Santos Naimori Bukar ne'e la'os serbisu iha Parlamentu Nasional, tanba sa nia karreta iha resintu PN, seguransa husik de'it.

"Naimori ne'e lider informal, tanba saida nia kareta para iha laran depois ministru sira nia kareta para fali iha liur", nia dehan.

Antes ne'e, iha loron tersa (10/11) mosu dezentendimentu hakilar malu no haksesuk malu entre deputadu David Dias Manadati Ximenes ho Komdante ne'ebe nu’udar Responsavel Seguransa iha Parlamentu Nasional,

Alexandrino da Costa "Samurai", tanba fo orientasaun ba kareta privadu para ilegalmente iha Parlamentu Nasional. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks